Májilis Tóraǵasy Nurlan Nyǵmatýlın Lıýksembýrg Uly Gersogtiginiń Qazaqstandaǵy Tótenshe jáne ókiletti elshisi Per Ferrıngti qabyldady, dep habarlady osy palatanyń baspasóz qyzmeti.
Májilis Tóraǵasy Nurlan Nyǵmatýlın Lıýksembýrg Uly Gersogtiginiń Qazaqstandaǵy Tótenshe jáne ókiletti elshisi Per Ferrıngti qabyldady, dep habarlady osy palatanyń baspasóz qyzmeti.
Kezdesý barysynda taraptar Qazaqstan-Lıýksembýrg arasyndaǵy áriptestikke qatysty birqatar máselelerdi talqylady. Palata Tóraǵasynyń atap ótkenindeı, Qazaqstan Prezıdenti men Uly Gersogtiktiń jetekshisi arasyndaǵy qol jetkizilgen kelisimder qos el qarym-qatynasynyń turaqty damýyna negiz qalap otyr. Sonymen qatar, N.Nyǵmatýlın lıýksembýrgtik jańa tehnologııalar men ınnovasııalardy energetıka men medısına salalarynda tıimdi paıdalaný eki el yntymaqtastyǵynyń áleýetin kúsheıte túsetinin aıtyp ótti. Ásirese, onyń Qazaqstannyń «jasyl ekonomıkaǵa» kóshýi qarsańynda mańyzdylyǵy arta túspek.
Taraptar parlamentaralyq áriptestikti nyǵaıtý múmkindikterin de nazardan tys qaldyrmady.
Májilis Tóraǵasy depýtattyq korpýstyń barlyq kúsh-jigeri Elbasy Nursultan Nazarbaevtyń «Qazaqstan-2050» Strategııasynda júktelgen mindetterdi zańnamalyq qamtamasyz etýge baǵyttalatynyn atap ótti.
Mártebeli meıman óz kezeginde Qazaqstannyń sońǵy ýaqyttardaǵy qarqyndy damýyn tilge tıek ete otyryp, Lıýksembýrgtiń barlyq salada áriptestikti keńeıtýge jáne parlamentaralyq ózara is-qımyldy odan ári nyǵaıtýǵa yntaly ekenin jetkizdi. Al halyqaralyq máselelerge kelgende, kezdesý ıeleri barlyq memleketterdiń halyqaralyq lańkestik pen basqa da jahandyq qaterlerge qarsy kúsh biriktirýi jóninde áńgime órbitti.
Májilis Tóraǵasy Qazaqstan men Lıýksembýrgtiń Aýǵanstan qaýipsizdigine baılanysty halyqaralyq kúsh-jigerge qoldaý kórsetý aıasynda da ózara yntymaqtastyqtyń mańyzdylyǵyna toqtaldy.
Taraptar eki el arasyndaǵy qarym-qatynas odan ári damıtynyna senim bildirdi.