Premer-Mınıstrdiń orynbasary Eraly Toǵjanov bastaǵan úkimettik delegasııa jumys saparymen Jezqazǵan qalasyna jáne Ulytaý aýdanyna bardy. Bul týraly Premer-Mınıstrdiń baspasóz qyzmeti habarlady.
Sapar kezinde Premer-Mınıstrdiń orynbasarymen Mádenıet jáne sport mınıstri Aqtoty Raıymqulova, Bilim jáne ǵylym vıse-mınıstri Mıras Dáýlenov, Qaraǵandy oblysynyń ákimi Jeńis Qasymbek jáne «Nazarbaev Zııatkerlik mektepteri» AQ basqarma tóraıymy Kúlásh Shamshıdınova bardy.
Qazirgi ýaqytta Jezqazǵan oblysynda «Jumyspen qamtýdyń jol kartasy» boıynsha jalpy somasy 3,9 mlrd teńgege 36 áleýmettik jáne mádenı-tarıhı jobasy júzege asyrylýda. 2020 jylǵy 1 mamyrdaǵy jaǵdaı boıynsha Qaraǵandy oblysyndaǵy áleýmettik jumys oryndaryna 472 adam jiberildi. Onyń ishinde 113 adam jastar praktıkasyna, 2 694 adam qoǵamdyq qyzmetke tartylǵan. Jumyssyzdyq deńgeıi 4,4% quraıdy (2020 jyldyń 1 toqsanyny boıynsha), ózin-ózi jumyspen qamtyǵandardyń sany 56,1 myń adam.
Sapar kezinde Premer-Mınıstrdiń orynbasary Altyn Ordanyń negizin salǵan Joshy han tarıhı-mádenı ortalyǵynyń qurlysy barysymen tanysty. «Jumyspen qamtýdyń jol kartasy» baǵdarlamasy aıasynda Joshy han kesenesin restavrasııalaýǵa jáne tarıhıa-mádenı ortalyqtyń ınfraqurylymyn qurýǵa respýblıkalyq bıýdjetten 800 mln teńge bólingen. Jobada jumys istep jatqan barlyq jumysshylar «Eńbek» baǵdarlmasy boıynsha tartylǵan. Tarıhı-mádenı keshendi osy jyldyń tamyz aıynda paıdalanýǵa berý josparlanǵan.
«Jumyspen qamtýdyń jol kartasy» baǵdarlamasy boıynsha áleýmettik jobalardyń júzege asyrylýymen tanysý aıasynda Premer-Mınıstrdiń orynbasary E. Toǵjanov Jezqazǵan turǵyndarynyń turǵyn úı jáne áleýmettik-turmystyq máseleleriniń qalaı sheshilip jatqanyna erekshe nazar aýdardy. 2020 jylǵa deıin júrgizilgen tehnıkalyq zertteýge sáıkes 26 kóppáterli turǵyn úı apatty jaǵdaıda dep tanylǵan, onyń ishinde 9-y kúrdeli jóndeýdi qajet etedi, 17-si buzylýy tıis. E. Toǵjanov ákimdiktiń 17 apatty úıdiń turǵyndaryn úsh jylda basqa jerge kóshirý baǵdarlamasyn jasaǵanyn aıtty. О́ńirde ótkir turǵan máseleniń biri - halyqty sýmen qamtamasyz etý
Turǵyndardy sýmen qamtý máselesi de ózekti bolyp tur. E. Toǵjanov Jezqazǵan men Sátpaev qalalarynyń turǵyndaryn sýmen qamtý máselesin sheshýi tıis Esqula sý qubyrynyń qurylysynyń barysyna nazar aýdardy
«Sýǵa baılanysty ótken jyly úlken másele bolǵanyn bilemiz. Turǵyndar 11 kún sýsyz otyrdy. Ondaı másele bolashaqta bolmaýy kerek. Oblys ákimimen bul týraly áńgimelestik. Sheshý joly anyqtaldy. Oblys basshylyǵy sýmen jabdyqtaý máselesin túbegeıli sheshýge ýáde berip otyr», - dedi Eraly Toǵjanov.
Búgingi tańda Sátpaev qalasy aýyz sýmen jańa sý jabdyqtaý júıesi arqyly qamtamasyz etilip otyr. 2019 jyly «Qazaqmys korporasııasy» JShS-niń bas jobalaý ınstıtýty Jezqazǵandy sýmen qamtamasyz etý maqsatynda Esqula sý taratqyshyn qaıta qalpyna keltirý jobasyn jasady. Vıse-premer turǵyndardyń áleýmettik máselesin sheshý Úkimettiń baqylaýynda ekenin basa aıtty.
О́z kezeginde Qaraǵandy oblysynyń ákimi Jeńis Qasymbek Keńgir sý qoımasynan qosymsha sýmen jabdyqtaý júıesi eki aıdyń ishinde iske qosylatyn habarlady.
E.Toǵjanov Jezqazǵanda salynyp jatqan 900 oryndyq Nazarbaev zııatkerlik mektebin aralap kórdi. Barlyq jumys kestege sáıkes júrgizilýde. Qazirgi ýaqytta nysannyń qurylysy aıaqtalýǵa jaqyn. Halyqaralyq normalarǵa sáıkes aýlany abattandyrý, jıhazben jasaqtaý boıynsha tapsyrmalar berildi.