Koronavırýs ınfeksııasy anyqtalǵan 3 adam Reseı Federasııasynda jumys isteıtin Batys Qazaqstan oblysynyń turǵyndary ekeni anyqtaldy. Bul týraly Memlekettik komıssııanyń shuǵyl shtaby Telegram arnasynda habarlady.
- Reseı Federasııasymen shekaradaǵy Syrym avtoótkelindegi sanıtarlyq-karantındik bekette epıdemıolog mamandar baılanyssyz termometrııa jasap, saýalnama júrgizý kezinde azamattardyń densaýlyqqa shaǵymdary bolmaǵan. Algorıtmge sáıkes, SKP epıdemıologtary jedel járdem shaqyryp, olar karantındik stasıonarǵa jatqyzyldy. Sonymen qatar, 5 pasıent ózderine deıin koronavırýs ınfeksııasyn juqtyrǵan adamdarmen qarym-qatynasta bolǵany úshin zerthanalyq synama alynǵan, - delingen habarlamada.
Belgili bolǵandaı, PTR dıagnostıkalyq zertteý qorytyndysy boıynsha barlyǵynda COVID-19 dıagnozy naqtylanyp, oblystyq juqpaly aýrýlar aýrýhanasyna ornalastyrylǵan. Naýqastarmen qarym-qatynasta bolǵan adamdar anyqtalyp, barlyǵy medısınalyq baqylaýǵa alyndy. Aýrý oshaqtarynda dezınfeksııalyq jumystar júrgizildi. Qazir epıdemııaǵa qarsy sharalar jalǵasýda. О́tken táýliktegi jaǵdaı boıynsha oblysta koronavırýsty juqtyrǵan jalpy 360 adam tirkeldi.