Astananyń «Barys» komandasynyń Qurlyqtyq hokkeı lıgasyndaǵy jeńisti serııasyn búgin, 28 qyrkúıek kúni túnde Horvatııanyń «Medvashchak» komandasy toqtatty. Zagrebte ótken bul match 3:2 esebimen alań ıeleriniń paıdasyna sheshildi. Bul týraly Vesti.kz habarlady.
Matchtyń birinshi kezeńinde horvattar basym boldy. Olar osy jıyrma mınýtta jalǵyz shaıbany salyp úlgerdi. Olar muny 10-mınýtta Kertıs Fosterdiń kúshimen jasady. Al qalǵan eki kezeń de 1:1 degen nátıje ákeldi.
Ekinshi kezeńniń basynda da alań ıeleri qonaqtar qaqpasyna qaraı umtyldy. Olar 24-mınýtta ony golǵa aınaldyrdy. Bizdiń qaqpashy Arı Ahonen horvattar shabýylshysy Lıýk Ýokerdiń jolyna tosqaýyl bola almady. Biraq astanalyqtar unjyrǵasyn túsirmedi. Olar bar-joǵy 50 sekýndtan keıin bir shaıbanyń qarymtasyn qaıtardy. Qonaqtardan Evgenıı Blohın kózge tústi.Osy arqyly «Barys» qatarynan 84-shi matchta shaıba salý arqyly ózindik rekord jasady.
Sońǵy kezeńniń basynda alań ıeleri taǵy da bir gol saldy. Ony Raıan Veske óz esebine jazdy. Al úsh mınýttan keıin astanalyqtar Vladımır Grebenshıkovtiń arqasynda taǵy da esepti qysqartty. Alaıda, olardyń budan artyqqa shamalary kelmedi.
Osy oıynnan keıin de «Barys» 21 upaımen top basynda tur. Biraq ony erteń, 29 qyrkúıekte Iаroslavldiń «Lokomotıvin» qabyldaıtyn Qazannyń «Aq barysynyń» basyp ozýy ábden múmkin.
Damır Qojamqul.