Májilis tóraǵasy Nurlan Nyǵmatýlın qazaqstandyqtardy Oraza aıt merekesimen quttyqtady. Bul týraly Májilistiń baspasóz qyzmeti habarlady.
«Barshańyzdy musylman qaýymynyń qasıetti de ulyq merekesi - Oraza aıtpen shyn júrekten quttyqtaımyn. «On eki aıdyń sultany» sanalatyn Ramazan aıynda jasaǵan qaıyrly amaldar qabyl bolsyn! Oraza aıt merekesi - ol birligi men yntymaǵy jarasyp, bir shańyraqtyń astynda tatý-tátti ómir súrip jatqan barlyq qazaqstandyqtardyń berekesin arttyryp, eldigimizdi kúsheıtedi.
Sonymen birge, bul adamdardyń bir-birine qaıyrymdylyq jasap, meıirimdilik kórsetetin erekshe mereke. Osy qasıetti merekede denderińizge saýlyq, árbir otbasyna amandyq, qut-bereke tileımin! Elimiz aman, jurtymyz tynysh bolsyn», - delingen quttyqtaýda.