Almatyda búgin márege jetken álemdik Gran-prı saıysynda taǵy úsh qazaqstandyq jeńimpaz atandy. Bul týraly Vesti.kz tilshisi habarlady.
Fınaldyq aıqasta bizdiń 100 kıloǵa deıingi salmaqtaǵy lıderimiz Maksım Rakov (sýrette) brazılııalyq Rafael Býzakarınıden basym tústi. Al munyń aldynda 90 kıloǵa deıingi salmaqtaǵy Islam Bozbaev qarsylas shaq keltirmeı, altyn medaldy moınyna taqqan bolatyn. Onyń bul tabysyn 78 kılodan aýyr salmaqtaǵy Gúljan Isanova da qaıtalady.
О́kinishke oraı, 100 kılodan aýyr salmaqtaǵy Erjan Shynkeev jerlesteriniń bul jaqsy bastamasyn qoldap ákete almady. Ol Aleksandr Vahavıakanyń aldynda osaldyq tanytty. Qyzdar arasynda 78 kıloǵa deıingi salmaqtaǵy Albına Amangeldıeva da kúmis medaldy qanaǵat tutty.
Eki kúndik jarystyń qorytyndysy boıynsha Qazaqstan quramasy birinshi oryndy jeńip aldy. Osy eki kúnde bizdiń tatamı sheberleri 5 altyn, 5 kúmis jáne 7 qola medalǵa qol jetkizdi.
Damır Qojamqul.