Iraktaǵy shııtter meshitinde jarylys bolyp,40 adam qaza tapty. Bul týraly ITAR-TASS habarlady.
Iraktyń birqatar BAQ ókilderi málimdegendeı, terakt El-Mýsaııb qalasynda oryn alǵan. Jarylystan 50-ge jýyq adam jaraqat aldy.
«Ash-Shark» aqparat portalynyń deregi boıynsha, jankeshti terrorıst kópshilik qaýym jınalǵan meshittiń ishinde óz ózin jaryp jibergen. Jarylystyń kúshti bolǵany sonshalyq, tipti, meshittiń tóbesi opyrylyp túsken eken. Quqyq qorǵaý qyzmetkerleriniń aıtýynsha, qırandylar astynda áli de adamdar qalyp qoıǵan. Sondyqtan qaza bolǵandar men jaraqat alǵandardyń sany ósýi múmkin. Eldegi birde-bir terrorıstik top bul oqıǵaǵa qatysty jaýapkershilikti óz moıyndaryna alǵan joq.
Aıdar О́risbaev.