Almaty qalasynyń ákimi Baqytjan Saǵyntaev apattan qaıtys bolǵan polıseılerdiń otbasyna kóńil aıtty. Bul týraly ol Twitter paraqshasynda jazdy.
«Blok-bekette qyzmet atqaryp júrgen polısııa qyzmetkerleri Jalǵas Janǵazıev pen Dastan Ábdiqanovtyń jol apaty oqıǵasynan qaza bolýyna baılanysty otbasylary men jaqyndaryna qaıǵyryp kóńil aıtamyn» dep jazdy ol.
Eske sala keteıik, búgin tańǵy saǵat 5 shamasynda Almaty oblysynyń Qarasaı aýdanyna qarasty Kóksaı shaǵyn aýdanynyń aýmaǵynda kólik apaty bolyp, qapelimde eki tártip saqshysy til tartpaı ketken edi.