Qyrǵyz Respýblıkasynyń Prezıdenti Sooronbaı Jeenbekovten Akademııa basshysy Darhan Qydyrálige uıymnyń 10 jyldyq mereıtoıyna oraı quttyqtaý haty kelip tústi. Bul týraly TWESCO resmı saıty habarlady.
«Halyqaralyq Túrki Akademııasynyń 10 jyldyq mereıtoıymen shyn júrekten quttyqtaımyn.
Qysqa merzim ishinde Túrki akademııasy mańyzdy halyqaralyq ǵylymı is-sharalar ótkizdi, túrkologııanyń ártúrli salalarynda irgeli ǵylymı eńbekter jarııalady jáne túrki memleketteri arasyndaǵy rýhanı ıntegrasııany nyǵaıtýǵa eleýli úles qosty. Ol túrki memleketteri arasyndaǵy bedeldi halyqaralyq ǵylymı ortalyqqa aınaldy.
Sońǵy jyldary Akademııa qyrǵyztaný ǵylymyn damytýǵa, qyrǵyz mádenıetin túrki álemine jáne basqa elderge tanystyrýǵa, qyrǵyz ǵalymdaryn túrkologııa álemine belsendi qatysýǵa shaqyrdy. Biz bul múmkindikti baǵalaımyz.
Halyqaralyq Túrki akademııasyna aldaǵy jumystaryna sáttilik tileımin» dep jazylǵan hatta.
Búgin Halyqaralyq Túrki akademııasynyń qurylǵanyna 10 jyl toldy.