Almaty polısııasy eki polısııa qyzmetkerin mert qylǵan júrgizýshi týraly aqparat berdi.
«Áleýmettik jelide mas júrgizýshiniń ózi de polısııa qyzmetkeri degen sybys tarady. Aqparatty rastamaımyz», - dedi Polısııa departamentiniń ókilderi.
Aıta ketý kerek, oqıǵa qala shekarasyndaǵy tosqaýyl beketinde bolǵan. Qatty jyldamdyqpen kelgen «BMV» avtokóliginiń júrgizýshisi jol boıyndaǵy beton qabyrǵaǵa soǵylyp, bekette kezekshilik atqaryp turǵan polısııa kóligine baryp túıisken. Kólikte eki tártip saqshysy bolǵan eken. Tosyn soqqydan polısııa leıtenaty, 42 jastaǵy J.Janǵazıev esin jımaǵan kúıi qaıtys bolsa, aýyr jaǵdaıda aýrýhanaǵa jetkizilgen ekinshi tártip saqshysy da jaraqat saldarynan qaıtys boldy.