Halyqaralyq Túrki akademııasynyń 10 jyldyq mereıtoıyna oraı Mońǵolııanyń tuńǵysh prezıdenti, akademık P.Ochırbattan jáne Majarstan Ulttyq assambleıasynyń vıse-prezıdenti, áıgili aqyn Shandor Lejaktan Akademııa basshysy Darhan Qydyráliniń atyna quttyqtaý hattar tústi. Bul týraly atalǵan uıymnyń resmı saıty habarlady.
Akademık P.Ochırbat óziniń quttyqtaý hatynda akademııa basshysyn mereıli mejemen quttyqtap, kóshpendileriniń tarıhy men mádenıetin zertteýge qomaqty úles qosyp otyrǵanyna rızashylyǵyn bildirgen. Sondaı-aq ol óz hatynda: «Ári qaraı Sizdiń qoldaýyńyzben eki el ǵalymdarynyń birlesken zertteýleriniń qarqyny artady dep kámil senemin. Sonymen birge elderimizdiń aýmaǵyndaǵy ortaq tarıhı-mádenı muralardy zertteý jumystaryna sáttilik tileımin» degen.
О́z kezeginde Shandor Lejak: «Túrki akademııasy búginde túrki mádenıeti men dástúrlerin saqtaýda, búkil álemde túrkologııany damytýda jetekshi ról atqaryp keledi. Bul qurylym ıdeıasynyń ómirsheńdigin kórsetetin óte mańyzdy nátıje.
Majarstannyń akademııamen baıqaýshy retinde yntymaqtasyp jatqanyna erekshe qýanyshtymyn.
Men jeke ózim jáne siz arqyly búkil Halyqaralyq Túrki akademııasyna túrki órkenıetin saqtaý men damytýda jańa tabystar tileımin» dep ıgi tilegin bildirgen.