Qoǵammen baılanys kúsheıe tústi

Sybaılas jemqorlyqqa qarsy is-qımyl agenttiginiń Aqmola oblysy boıynsha departamenti koronavırýs ınfeksııasynyń taraýyna jol bermeý maqsatynda, karantındik-shekteý sharalaryn saqtaı otyryp, qalypty tártipte jumysyn jalǵastyrýda. Oǵan qosa, tótenshe jaǵdaı barysynda sybaılas jemqorlyqtyń aldyn alý boıynsha is-sharalar ótkizý onlaın formatqa aýystyryldy.

Tótenshe jaǵdaı kezinde áleý­mettik jeli aýdıtorııasynyń bel­send­iligi birshama artqandyǵy baı­qalady. Osy turǵyda onlaın túrde sybaılas jemqorlyqqa qar­sy kontenttiń turaqty translıasııa­syn qarastyratyn «Antikor.live» jobasyn júzege asyrýda.  Instag­ram jáne Facebook áleýmettik je­li­­lerindegi resmı paraqshada kún saıyn «Aqmola – adaldyq ala­ńy» jobalyq keńsesiniń, arnaıy monıtorıngtik toptyń basshy­lary halyqqa eldegi sybaılas jem­qor­lyqqa qarsy júzege asyrylatyn is jóninde aqparattar beredi.

Sondaı-aq «Antikor.live» jobasy aıasynda «Antikor ortalyǵy» ser­vıstik ortalyǵy alańynda mem­le­ket­tik organdar men uıym­dar­dyń ókilderimen suhbat júrgizi­lip, ózekti máselelerge túsinik beriledi. Qazirgi ýaqytta oblystyq ju­mys­pen qamtýdy jáne áleýmettik baǵ­darlamalardy úılestirý basqar­masymen birlese otyryp, 42 500 teń­ge kólemindegi áleýmettik tó­lem taǵaıyndaý máselesi boıyn­sha, oblystyq ákimshilik po­lı­sı­ıa basqarmasymen tótenshe jaǵ­­daı tártibin saqtamaǵan azamat­tardy jaýapkershilikke tartý, ká­sip­kerlik jáne ónerkásip basqar­masymen tótenshe jaǵdaı kezinde kásipkerlerge qoldaý kórsetý taqyryptarynda tikeleı efırler júrgizildi. Joba aıasynda bar­lyǵy 40-tan astam tikeleı efır uıymdastyrylyp, joǵaryda aı­tyl­ǵan taqyryptar qamtyldy.

Volonter jylynda azamat­tardyń quqyqtyq saýattylyǵyn arttyrý jáne zańgerlik kómek kórsetý maqsatynda aǵymdaǵy jyldyń aqpan aıynda bastalǵan «Adal kómek» jobasy da tótenshe jaǵdaı merziminde onlaın-formatta júzege asyrylýda. Quqyqtyq kómek alǵysy kelgen kez kelgen azamat departamenttiń áleýmettik jelilerindegi resmı paraqshasyna jeke habarlama jaza alady. Kómek suraǵan ár azamatqa keńes beri­ledi. Sonymen qatar naý­ryz aıy­nan bastap azamattyq qoǵam­da parasattylyqty, ádildikti, adal­dyqty qalyptastyrýǵa tartý baǵy­tynda #AdaldyqJolymen memlekettik chellendji iske qosyldy.

Odan basqa tegin zańger keńesi zań salasynyń ókilderimen, sondaı-aq sybaılas jemqorlyqqa qarsy qyzmet jáne basqa da memlekettik organdardyń qyzmetkerlerimen kún saıyn departamenttiń paraq­sha­larynda tikeleı efırler júr­gizý arqyly júzege asyrylyp, aza­mattardyń ózekti quqyqtyq saýaldaryna túsinik beriledi. Bir sózben aıtqanda, tegin zańgerlik keńesti úıden shyqpaı alýǵa ábden bolady.

Oǵan qosa, buryn oblystyq sybaılas jemqorlyqqa qarsy vedomstvo basshylyǵy kúndelikti jeke qabyldaý júrgizgen bolsa, tótenshe jaǵdaı engizilýge baılanysty departament azamattardy onlaın tártipte qabyldaıdy. Skype servısi arqyly aqmolalyqtar kókeıkesti saýaldary boıynsha basshyǵa tikeleı júgine alady. Ol úshin jaýapty qyzmetkermen tikeleı efırge shyǵý merzimi týraly aldyn ala kelisip alsa bolǵany.

Turǵyndarmen tıimdi kommýnıkasııa qurýdy jalǵastyra otyryp, «Ashyq dıalog» portalynda da, departamenttiń áleýmettik jelilerdegi resmı paraqshasynda da júıeli túrde ınternet-konferensııalar ótkizýdemiz. Sonymen qatar departament qyzmetkerleri vıdeo­konferensııa baılanysyn qoldaný arqyly sybaılas jemqorlyqqa qarsy qyzmet jumysynyń bas­ty baǵytyn túsindirý boıynsha onlaın-semınarlar, onlaın-dáris­ter ótkizýde. «Antikor ortalyǵy» ser­vıs­tik ortalyǵy alańynda onlaın-brıfıngter ótkizemiz.

Sybaılas jemqorlyq qaýpi men sybaılas jemqorlyqqa qarsy monı­torıng taldaýyna keler bol­saq, departament qyzmet­ker­leri atal­ǵan baǵytta taldaý jumys­ta­ryn júrgizýde. Osylaısha mem­le­ket­tik satyp alýdaǵy sybaılas jem­qor­lyqtyń aldyn alý maqs­atynda aı­maqta «Satyp alýdyń bir­yń­ǵaı terezesi» aqparattyq-tal­daý jú­ıe­si qoldanylýda. Mem­lekettik organ­dar jáne kvazımemlekettik sek­t­or­lardyń satyp alýǵa jospar­lan­ǵan taýarlardyń, jumystar men qyz­met­terdiń kóterilgen baǵasyn tó­men­­detý arqyly biz engizgen usy­nys­­tardan keıin aǵymdaǵy jyldyń basynan beri 22,5 mln teńge únemdeldi.

Sybaılas jemqorlyqqa qarsy aldyn alý is-sharalaryna qoǵamdyq sala ókilderiniń de belsendi qatys­qandyǵyn atap ótý qajet. Mysaly, «Aqmola – adaldyq alańy» jobalyq keńsesiniń músheleri aımaqtyq arnaıy monıtorıngtik toppen birlese áleýmettik mańyzy bar azyq-túlik taýarlary, medısına quraldary baǵa­laryna, blok-beketterde monı­torıng júrgizedi jáne atalǵan ba­ǵyt­ta basqa da is-sharalardy jú­ıeli túrde ótkizip otyrady. Júrgi­zilgen taldaý BAQ-ta jáne áleý­mettik jelilerde de jarııa­lanady.

Sonymen qatar zańnamaǵa sáı­kes qyzmettik qajettilikke baıla­nysty, sybaılas jemqorlyqqa qar­­sy qyzmettiń jedel-izdestirý ju­mystary karantındik-shekteý sharalaryn saqtaı otyryp, qalypty túrde júzege asyrylýda.

Murat TО́LEÝBAEV,

Sybaılas jemqorlyqqa qarsy is-qımyl agenttiginiń Aqmola oblysy boıynsha departamentiniń basshysy