Koronavırýsty juqtyrǵandardyń qatary kemip kele jatqan elder karantın tártibin jeńildetetin bolsa indettiń ekinshi tolqynyna tap bolýy yqtımal. Bul týraly Dúnıejúzilik densaýlyq saqtaý uıymynyń densaýlyq saqtaý salasyndaǵy tótenshe jaǵdaı jónindegi baǵdarlamanyń jetekshisi Maıkl Raıan onlaın-brıfıngte aıtty.
Maman pikirine súıensek, qazir álem koronavırýs pandemııasynyń alǵashqy tolqynynyń bel ortasyna jetti. О́ıtkeni, Ortalyq jáne Ońtústik Amerıkada, Afrıka men Ońtústik Azııada indet juqtyrǵandar sany kún sanap kóbeıip jatyr.
«Birinshi tolqynda syrqattanǵandar sany barynsha tómen deńgeıge deıin azaıady, al birneshe aıdan soń aýrý qaıta órshıdi. Tıisinshe bul jaǵdaı birneshe aıdan keıin kóptegen memleketterde kórinis tabýy múmkin», - dedi ol.
DDU ókilderi pandemııanyń ekinshi kezeńi maýsymdyq tumaýmen tuspa-tus kelýi múmkin ekenin aıtady. Sondaı-aq adamzat pandemııanyń birinshi kezeńinde ony qaıta órshitip alýy múmkindigin eskertti. Mundaı jaǵdaı 1918-1920 jyldary ıspan grıpiniń pandemııasy kezinde bolǵan.