Tanymal Sportbox.ru portaly ár jyldary Reseı chempıonatynda óner kórsetken Ortalyq Azııa elderi fýtbolshylardyń shartty quramasyn jarııalady.
Úzdikter tizimine myna oıynshylar enip otyr:
Qaqpashy – Alekseı Polıakov («Krylıa Sovetov», О́zbekstan).
Qorǵaýshylar – Andreı Fedorov («Rýbın», О́zbekstan), Oleg Pashının («Lokomotıv» Máskeý, О́zbekstan), Ráshıd Rahımov («Spartak» Máskeý, Tájikstan) jáne Igor Cherevchenko («Lokomotıv» Máskeý, Tájikstan).
Jartylaı qorǵaýshylar – Vladımır Mamınov («Lokomotıv» Máskeý, О́zbekstan), Dmıtrıı Homýha (SSKA, Túrkimenstan), Ádil Ahmedov («Anjı», О́zbekstan) jáne Mırdjalol Qasymov («Alanııa», О́zbekstan).
Shabýylshylar – Eldor Shomurodov («Rostov», О́zbekstan) pen Vladımır Nıdergaýs («Rotor», Qazaqstan).
О́zderińiz baıqaǵandaı, bul tizimde Qazaqstannyń jalǵyz ǵana ókili bar. Bul kúnderi 52 jasqa tolyp otyrǵan Kókshetaý qalasynyń týmasy toqsanynshy jyldary «Rotordyń» basty juldyzyna aınaldy. Volgogradtyq klýbtyń sapynda Vladımır Nıdergaýs 200 márte jasyl alańǵa shyǵyp, 77 ret nysanany dál kózdedi. Sol aralyqta ol Reseı chempıonatynyń eki dúrkin kúmis jáne bir ret qola júldegeri, Reseı jáne Intertoto kýbogynyń fınalısi atandy. Tórt márte sol memlekettiń Premer-lıgasyndaǵy eń úzdik 33 fýtbolshylardyń sanatyna endi.