Sýǵa túsý maýsymy bastalmaı jatyp, oblysta 3 adamnyń ajaly sýdan boldy. Olardyń arasynda balyqshylar da, dem alýǵa shyqqandar da bar. Taıaýda qutqarýshylar aldyn alý sharalaryna baılanysty arnaıy reıd ótkizdi.
Oblysta 754 sý aıdyny bar. Sýǵa shomylý naýqany bastalmas buryn tótenshe jaǵdaılar departamentiniń qyzmetkerleri demalys oryndarynda qutqarý posttaryn ornatýda.
–Bıyl osyndaı 35 beket daıyndaldy. Qutqarý ádisterin 77 adam meńgerdi. Bul jumys áli de jalǵasýda. Kásibı qutqarýshylar Qopa, Zerendi, Aınakól jáne Býrabaı sııaqty 4 iri sý aıdynyndaǵy qaýipsizdikke jaýapty. Bıyl úshinshi jyl qatarynan Úlken Shabaqty kólinde maýsymdyq post ornatamyz,–deıdi oblystyq tótenshe jaǵdaılar jónindegi departamentiniń bastyǵy Alekseı Sovetov.
Budan bólek «Sýǵa shomylýǵa tyıym salynǵan» dep jazylǵan 274 belgi ornatyldy. Polısııa departamenti qyzmetkerlerimen birlese otyryp, búginge deıin 200-den artyq reıd júrgizildi. 15 adam ákimshilik jaýapkershilikke tartyldy.
Sýǵa shomylý maýsymy bastalmaı jatyp, qaıǵyly oqıǵalar tirkelýde. Selınograd, Qorǵaljyn jáne Aqkól aýdandarynda 3 adam sýǵa ketken.
Reıd qorytyndysy boıynsha quqyq buzýshylyq faktileri anyqtalǵan joq. Dese de, sý aıdynyndaǵy qaýipsizdik sharalaryn esten shyǵarmaǵan jón. Ol qarapaıym ǵana ereje. Qalqyma belgilerden ári aspaý, balalardy qadaǵalaý, qarańǵyda sýǵa túspeý jáne ishimdik ishpeý. Aıta keteıik, sýǵa shomylý maýsymy ádette jazdyń alǵashqy kúninen bastalady. Biraq, bıylǵy karantındik shekteýlerge baılanysty onyń naqty ýaqyty belgilenbegen.