Bul týraly Qyzylorda oblystyq tótenshe jaǵdaılar departamenti órt sóndirý jáne apattyq-qutqarý jumystary qyzmetiniń baspasóz qyzmeti habarlady.
Departamenttiń málimetinshe oqıǵa keshe saǵat 17.00 shamasynda bolǵan. Jasóspirim jigit darııanyń ruqsat etilmegen aýmaǵyna sýǵa túsken kórinedi.
«Oqıǵa ornyna 5 qutqarýshy 1 avtokólik jáne 1 qaıyq bardy. Qutqarýshylar jedel áreketke kirisip, jasóspirimniń jansyz denesi saǵat 18.49 shamasynda jaǵaǵa shyǵaryldy», – delingen habarlamada.
Oblys aýmaǵynda kún kúrt ysyp, salqyndaý úshin darııa jaǵalaıtyndar kóbeıdi. Sondyqtan da mamandar sýǵa túskende qaýipsizdik sharalaryn barynsha saqtaýdy suraıdy.
Jalpy, jyl basynan beri aımaqta 8 adam sýǵa ketip otyr. Onyń bireýi jasóspirim, ekeýi bala, qalǵany eresek azamattar.