Konvensııa prınsıpterine sáıkes qujat

Zań qabyldanǵannan keıin azamattardyń sóz bostandyǵy máselesin rettep, beıbit jıyndar ótkizýdi jeńildetpek. Buǵan deıin aıtqanymdaı, beıbit jıyndar azamattarymyz úshin qalypty nársege aınalady. Árıne buǵan ýaqyt kerek.

Beıbit jıyndar ótkizý týraly ótinishti berý ýaqyty da qysqartyldy. Lıbe­ralızasııa nátıjesinde endi ótinishti 15 kún buryn emes, 5 kún buryn berý de jet­kilikti. Jıyn ótkizetin oryn­dardyń da halyqqa yń­ǵaı­ly, ınfraqurylymdyq obek­tilerdi qoldaný múm­kin­digi bolýy kerek. Sonymen qa­tar ákimdikter atalǵan jer­­lerde basqa sharalar ótki­zilip jatsa habar berip, aq­pa­rat taratyp turýy kerek. Oǵan qosa demonstrasııa men sherý sııaqty jıyndar ótkiz­bes buryn jergilikti atqa­­rý­shy bılikti qulaǵdar etý de azamattardyń jumy­syn jeńildetpek. О́ıtke­ni kóshelerdi jaýyp, júr­gin­shiler men júrgizýshilerge ke­dergi kelmeýi kerek. Ha­lyq­aralyq paktiler men Kons­tıtýsııaǵa sáıkes, mıtıngter quqyǵy basqalardyń qu­qy­ǵyn shektemeýi kerek. Iаǵ­nı, basqa turǵyndardyń ju­my­sy toqtap, jolynan qalý sııaq­ty olqylyqtar bolmaýy tıis.

Taǵy bir nazarǵa alatyn jaıt – jýrnalıs­ter­diń jumysy. Beıbit jıyndar kezinde jýr­na­­lıs­terdiń ju­mysyn shekteıtin erejeler to­lyqtaı qysqartyldy de­sek bolady. Qu­jat­tar­ǵa qatysty talaptar da ońtaı­lan­dyryldy.

Al jıyndardy toqtatý máselesine kelsek, adam ómiri men densaýlyǵyna qaýip tóngen jaǵdaıda, memleket múlki zaqymdalǵanda, arnaıy orynǵa jınalǵandar sany shekten assa, jıyndy toqtaýǵa ruqsat bar.

Mundaı naqty shekteýler kórsetilip, belgilengeni du­rys. Jalpy, jańa zań Adam qu­­qyqtaryn qorǵaý jónin­degi eýropalyq konvensııa prınsıpterine de sáı­kes keledi. «Tyıym sa­lyn­ba­ǵan­­nyń bárine ruqsat» pen «aza­­mattyń quqyǵy ekin­shi aza­mattyń quqyǵyn shek­temeýi» kerek degen adam quqyq­­tarynyń basty eki prın­­sı­pi negizge alynǵan.

Marat BAShIMOV,

Eýropalyq quqyq jáne adam quqyqtary ınstıtýtynyń dırektory