Qaraǵandy oblysynda ótken táýlik ishinde 43 adamnyń koronavırýs ınfeksııasyn juqtyrǵany zerthanalyq negizde anyqtaldy, dep habarlady oblys ákiminiń baspasóz qyzmeti.
Indet buryn juqtyrǵandarmen jaqyn qarym-qatynasta bolǵan adamdardy tekserý kezinde, sondaı-aq skrınıng barysynda anyqtaldy. Pasıentterdiń arasynda qaraǵandylyq 18 turǵyn, Temirtaý qalasynda turatyn 19 adam, Saran qalasynyń eki turǵyny jáne Abaı men Shet aýdandarynan eki adamnan anyqtalǵan.
Naýqastar ınfeksııalyq stasıonarǵa jatqyzyldy. Dárigerler olardyń densaýlyq jaǵdaıy qanaǵattanarlyq ekenin aıtady. Tıisti emdeý júrgizilýde. Juqtyrý oshaqtary dezınfeksııalandy.
26 mamyrdaǵy jaǵdaı boıynsha Qaraǵandy oblysynda KVI juqtyrýdyń 705 oqıǵasy tirkelgen. Onyń ishinde úsh naýqas «jaman tumaýdan» kóz jumdy jáne 193 adam jazylyp shyqty.