Bıyl kól jaǵalaýynda uzyndyǵy 3 shaqyrymdy quraıtyn velojolaq salynyp jatyr.
Jaz týsa, jurt Alakólge aǵylady.
Sońǵy jyldary kól jaǵalaýynda abattandyrý jumystary qarqyndy júrgizilgendikten týrıster qarasy da kóbeıgen.
Alakól jaǵalaýynda qazirgi ýaqytta abattandyrý jumystary qyzý júrgizilýde. Demalýshylarǵa qolaıly jaǵdaı jasaý maqsatynda modýldi sanıtarlyq-gıgıenalyq dárethanalardy iske qosý, jańadan modýldi sanıtarlyq-gıgıenalyq dárethanalar men kıinýge arnalǵan qosymsha kabınalar ornatý josparlanǵan. Sonymen qatar kóldiń abattandyrylǵan jaǵajaıynda tyıym salý jáne eskertý belgilerin, aqparattyq stendter, taqtaıshalar, shaǵyn kólemdi sý kemeleri úshin tıisti qorshaýlary men aqparattyq taqtaıshalary bar jeke turaqtar salý jumystary iske asyrylýda. Kól jaǵalaýyn kógaldandyrýǵa jyl saıyn erekshe kóńil bólinedi. Bıyl kól jaǵalaýyna brýschatka tóselip, aǵash kóshetteri otyrǵyzylypty.
Erekshe atap óter dúnıe, bıyl kól jaǵalaýynda uzyndyǵy 3 shaqyrymdy quraıtyn velojolaqtyń salynyp jatqandyǵy. «Bul jumystardyń barlyǵy oblys ákimi Danıal Ahmetovtyń tapsyrmasyna sáıkes atqarylyp jatyr. Jaqynda kól jaǵalaýyna baryp, qolǵa alynǵan jumystardy kórip qaıttym.
Bıyl Alakóldi damytýǵa qatysty josparlarymyz kóp. 2020 jyly Qabanbaı aýylynan Alakól kóliniń jaǵalaýyna deıingi aýmaqty abattandyrýǵa tıisti qarjy bólindi. Joba aıasynda kógaldar otyrǵyzý, velo-trotýarlyq joldy boıaý, aıdaý sorǵylaryn, sý rezervýaryn jáne sýarý júıesin ornatý josparlanǵan. Alakólge kelimdi-ketimdi jurt kóp bolǵandyqtan jaǵalaýynyń sanıtarlyq talaptarǵa saı bolýy mańyzdy. Osy rette bıyl kól jaǵasynda úlken eki joba júzege asyrylmaq. Birinshisi, aýdanymyzdyń týrızm salasyn damytý aıasynda Alakól jaǵalaýynda týrısterdi taza aýyz sýmen qamtamasyz etý maqsatynda sý qubyrynyń qurylysy salynady. Ekinshisi, Maqanshy aýylynan Kóktal qosalqy stansııasyna deıingi elektr jelisiniń qurylysy júrgiziledi. Atalǵan eki jobany iske asyrý nátıjesinde Alakól jaǵalaýynda kól maýsymynda demalýshylardy taza sýmen qamtý jáne energııa qajettiligine degen qordalanǵan máseleler sheshiletin bolady» deıdi Úrjar aýdanynyń ákimi Nurjan Toqseıitov.
Shyǵys Qazaqstan oblysy,
Úrjar aýdany