Jospar boıynsha Aqsýattan – 50, Aqjardan – 50 baspana salýdy mejelep otyrmyz.
Tarbaǵataı aýdanynyń Aqsýat jáne Aqjar aýyldarynda memlekettik-jekemenshik seriktestik aıasynda baspanalar salynbaq.
Alǵashqy úılerdiń qurylysyn sáýir aıynyń sońynda Aqjar aýylynda jergilikti kásipker Qaırat Qojahmetov bastap ketken bolatyn. «Jalpy aýmaǵy 100 sharshy metr bolatyn úılerdiń qabyrǵasy gazobloktan turǵyzylýda. Jaryq baǵandary, káriz júıesi, aýyzsý irgesine kelip tur. Ázirge 10 úıge kelisim-shart jasalady. Iаǵnı, kásipker salǵan úıler bıýdjet esebinen satyp alynady. Baspanalar kezekte turǵan kópbalaly otbasylarǵa beriledi. Jospar boıynsha Aqsýattan – 50, Aqjardan – 50 baspana salýdy mejelep otyrmyz» dep jazǵan-dy sol kezde Tarbaǵataı aýdanynyń ákimi Serikqazy Sádýaqasov óziniń feısbýktegi paraqshasynda.
Endi mine ıgi is jalǵasyn taýyp, tarbaǵataılyq Dýlat Tastekeev, Áset Múftıev, Darhan Shotabaev syndy kásipkerler árqaısysy 10-nan jıyny 30 úı (qos páterli) salamyz dep ýáde beripti. Búgin Aqsýattaǵy «Et kombınaty» atalatyn yqsham aýdanynda jer ýchaskeleri ólshenip, qazyqtary qaǵylypty.
Eskerte keteıik, Aqsýat pen Aqjarda úıler salý máselesi bıyl oblys ákimi Danıal Ahmetov Aqjar aýylyna baryp, shekaralyq aımaqtardy damytý jóninde jıyn ótkizgen kezde turǵyndar tarapynan kóterilgen bolatyn.
Shyǵys Qazaqstan oblysy,
Tarbaǵataı aýdany