2013 jylǵy 1 qazannan bastap Túrkitildes memleketter Parlamenttik Assambleıasynyń Bas hatshysy qyzmetine Qazaqstannyń ókili Jandos Asanov kiristi. Jańa Bas hatshy Túrkitildes memleketter Parlamenttik Assambleıasy Keńesiniń ókimimen taǵaıyndalǵan bolatyn, dep habarlady Qazaqstan Respýblıkasy Parlamenti Senatynyń baspasóz qyzmeti.
2013 jylǵy 1 qazannan bastap Túrkitildes memleketter Parlamenttik Assambleıasynyń Bas hatshysy qyzmetine Qazaqstannyń ókili Jandos Asanov kiristi. Jańa Bas hatshy Túrkitildes memleketter Parlamenttik Assambleıasy Keńesiniń ókimimen taǵaıyndalǵan bolatyn, dep habarlady Qazaqstan Respýblıkasy Parlamenti Senatynyń baspasóz qyzmeti.
J.Asanov taıaý ýaqytqa deıin Qazaqstan Respýblıkasy Parlamenti Senaty apparaty basshysynyń orynbasary qyzmetin atqardy.
Parlamenttik Assambleıany qurý týraly kelisimge 2008 jyly qarasha aıynda Ystambulda ótken Túrkitildes memleketter parlamentteri basshylarynyń 1-shi konferensııasynda Qazaqstan Prezıdenti N.Á.Nazarbaevtyń bastamasy boıynsha qol qoıylǵan bolatyn.
TúrkPA-nyń negizgi maqsattary – parlamenttik dıplomatııa arqyly elder arasyndaǵy saıası únqatysýdy damytýǵa járdemdesý, tarıhı, mádenı jáne til ortaqtyǵy negizinde zańnamalyq úılesim men parlamenttik yntymaqtastyqty, sonymen birge, túrkitildes halyqtar arasyndaǵy ózara tıimdi jáne teń quqyqty is-qımyldy nyǵaıtý.
TúrkPA Hatshylyǵy Ázerbaıjan astanasy Baký qalasynda ornalasqan. Parlamenttik Assambleıa Bas hatshysynyń laýazymynda J.Asanov Ázerbaıjan ókili Ramıl Gasanovty almastyrdy.