«Qazgıdromet» RMK 28 mamyrǵa arnalǵan aýa raıy boljamyn jarııalady.
Búgin elimizdiń basym bóligi áli joǵary qysym aýmaǵynda bolǵandyqtan, kún raıy ashyq bolady. Tek elimizdiń soltústiginde jáne soltústik-shyǵysynda sıklon yqpalynan keı jerlerde kúndiz ótkinshi jańbyr jaýady, naızaǵaı oınap, daýyl soǵýy múmkin. Keı jerlerde jel kúsheıedi, ońtústikte jáne ońtústik-shyǵysta shańdy daýyl soǵady, soltústikte tuman túsýi yqtımal.
Soltústik Qazaqstan oblysynyń keı jerinde kúndiz jel 15-20 m/s jetedi, túnde jáne tańerteń tuman túsýi múmkin.
Jambyl, Túrkistan, Qyzylorda oblystarynyń keı jerlerinde shańdy daýyl soǵady, jel 15-20 m/s kúsheıedi.
Shyǵys Qazaqstan, Qaraǵandy oblystarynda, kúndiz Qostanaı oblysynyń keı jerinde jel 15-20 m/s jetedi.
Túrkistan, Qyzylorda, Batys Qazaqstan, Mańǵystaý oblystarynda jáne Aqtóbe oblysynyń ońtústiginde qatty ystyq bolýy múmkin.
Pavlodar oblysynda, Shyǵys Qazaqstan, Qyzylorda oblystarynyń keı jerinde óte joǵary órt qaýpi saqtalady.