Pavlodarda Parlament Senaty Áleýmettik-mádenı damý komıtetiniń «Halyq densaýlyǵyn qorǵaý jónindegi memlekettik saıasat jáne Qazaqstan Respýblıkasy Prezıdentiniń Qazaqstan halqyna Joldaýy aıasynda densaýlyq saqtaý júıesin quqyqtyq qamtamasyz etýdi jetildirý sharalary týraly» taqyryby boıynsha kóshpeli otyrysy boldy, dep habarlady osy palatanyń baspasóz qyzmeti.
Pavlodarda Parlament Senaty Áleýmettik-mádenı damý komıtetiniń «Halyq densaýlyǵyn qorǵaý jónindegi memlekettik saıasat jáne Qazaqstan Respýblıkasy Prezıdentiniń Qazaqstan halqyna Joldaýy aıasynda densaýlyq saqtaý júıesin quqyqtyq qamtamasyz etýdi jetildirý sharalary týraly» taqyryby boıynsha kóshpeli otyrysy boldy, dep habarlady osy palatanyń baspasóz qyzmeti.
Senatorlar oblystyq máslıhat depýtattarymen, dárigerler qaýymymen jáne úkimettik emes uıymdarmen densaýlyq saqtaý júıesiniń quqyqtyq negizderin jetildirý máselesin, atap aıtqanda, «Halyq densaýlyǵy jáne densaýlyq saqtaý júıesi týraly» kodekske ózgerister men tolyqtyrýlar engizý týraly» zań jobasy aıasyndaǵy jumystardyń barysyn talqylady.
Dárigerlik qyzmet kórsetýlerge qol jetkizý jáne olardyń sapasy, dári-dármekpen qamtamasyz etý, dárigerlik mekemelerdiń materıaldyq-tehnıkalyq bazasyn jaqsartý, medısınalyq akademııalar túlekterin qyzmetke ornalastyrý, medısına salasy qyzmetkerlerin qaıta daıarlaý jáne biliktiligin arttyrý, balalar jáne perzenthana mekemelerin qazirgi zamanǵy dárigerlik qural-jabdyqpen jabdyqtaý máselelerine erekshe nazar aýdaryldy.
Parlament Senaty Áleýmettik-mádenı damý komıtetiniń tóraǵasy Aqan Bıjanov aıtqandaı, ótken jyly halyq densaýlyǵyn qamtamasyz etý jónindegi mindetterdi oryndaýda eleýli tabystarǵa qol jetti. 2013 jyly densaýlyq saqtaý salasyn qarjylandyrý kólemi Ishki jalpy ónimniń 3,8 paıyzyna jetti. Densaýlyq saqtaý júıesin damytýǵa aǵymdaǵy úsh jyldyq kezeńde respýblıkalyq bıýdjette 1 641,1 mıllıard teńge qarastyrylyp otyr.
Sharaǵa qatysýshylar, sonymen birge, álemniń damyǵan 30 eliniń qataryna kirý jónindegi strategııalyq mindettiń aıasynda densaýlyq saqtaýdyń ulttyq júıesin odan ári jetildirý jónindegi jumystardy júzege asyrý qajet, dep sanaıdy.
«Halyqty dárigerlik kómekpen túgeldeı qamtýdy qamtamasyz ete alatyn memlekettik kepildiktiń tómengi standartyn belgileý mańyzdy mindet bolyp otyr. Sonymen birge, áleýmettik álsiz toptar jáne erekshe áleýmettik syrqattarǵa arnalǵan jeke baǵdarlamalar iske qosylýy tıis», dep atap ótti A.Bıjanov.
Otyrysta Pavlodar oblysynyń ákimi Erlan Aryn, Densaýlyq saqtaý mınıstrliginiń jaýapty hatshysy Serikbol Mýsınov, oblystyq máslıhattyń depýtaty, Pavlodar oblysy ákimdiginiń janyndaǵy emdelýshiler quqyqtaryn qorǵaý jónindegi qoǵamdyq keńestiń múshesi Aıman Ospanova, dárigerlik mekemelerdiń, dári-dármek jasaýshy kompanııalardyń, úkimettik emes uıymdardyń basshylary sóz sóıledi.
Komıtettiń kóshpeli otyrysy aıasynda senatorlar qalalyq emhanada, aımaqtyq kardıologııa ortalyǵynda, Kenjekól aýylyndaǵy dárigerlik ambýlatorııasynda, oblystyq jedel járdem stansasynda jáne «Baıantaý» sport saraıynda boldy.