Nur-Sultanda 1 077 dáriger koronavırýs ınfeksııasymen kúresýde. Qala boıynsha osy qaýipti indetpen aýyrǵan 1 764 adam tirkelgen, dep habarlaıdy elorda ákimdiginiń resmı saıty.
Búginde koronavırýstyq jaǵdaı statıstıkasy oń nátıje kórsetýde: emdelip shyqqandar sany kún sanap ósýde. Qazirgi ýaqytta Nur-Sultanda kún saıyn koronavırýs ınfeksııasynyń aldyn alýǵa jáne taraýyna jol bermeýge baǵyttalǵan josparly is-sharalar ótkizilýde.
Qaýipti ınfeksııamen kúreske qala boıynsha 1 077 dáriger tartylǵan. Alaıda mamandar bosańsýǵa erte ekenin eskertedi. Olardyń aıtýynsha, halyqtyń osy aýrýǵa degen nemquraıly qatynasy indettiń qaıta órshýine alyp kelýi múmkin. Ony tek dárigerler usynǵan nusqamalardy qatań saqtaǵanda ǵana boldyrmaýǵa bolady. Negizgi erejeler, burynǵydaı, qoǵamdyq kólikte, adamdar kóp jınalatyn jerlerde, saıabaqtarda, saýda úılerinde maska taǵý jáne antıseptık paıdalaný. D
árigerler kezekte, dúkende nemese saıabaqta serýendegende, úı-jaılarda maska taǵý rejımin saqtaý, toptanyp jınalmaý, ózderin jáne aınalasyndaǵylardy qorǵaý óte mańyzdy ekenin atap ótti. Qalypty ómir yrǵaǵyna tezirek oralý árbir qazaqstandyqtyń jaýapkershiligine tikeleı baılanysty.
Tártip saqshylary eriktilermen birge qala boıynsha kúndelikti reıd júrgizedi. Mobıldi toptar qalalyq saıabaqtardy, skverlerdi, saýda úılerin, avtobýstardy patrýldeıdi jáne turǵyndarǵa karantın rejımin saqtaý, maska kııý qajetin túsindiredi.