Júrgizýshilerge keptelis týdyrmaý úshin marshrýtyn aldyn-ala josparlaý usynyldy, dep habarlaıdy elorda ákimdiginiń resmı saıty.
Jol jelisin ortasha jóndeý aıasynda ál-Farabı dańǵylynda Pýshkın kóshesinen Baıtursynov kóshesine deıingi ýchaskede jumystar júrgizilýde.
«Osyǵan baılanysty, 28 mamyr men 17 maýsym aralyǵynda osy ýchaskede kólik qozǵalysyn jartylaı jabý josparlanǵan», – dedi kólik jáne jol-kólik ınfraqurylymyn damytý basqarmasynda.
Osyǵan oraı, elorda turǵyndary men qonaqtary qala joldarynda keptelistiń aldyn alý úshin marshrýtyn aldyn-ala josparlaýy kerek.