Basketbol sportynan «Leıkers» klýbynyń ańyzyna aınalǵan sportshy Kobı Braıanttyń esimin Ulttyq basketbol qaýymdastyǵynyń (UBQ) Dańq zalyna resmı túrde engizý rásimi kelesi jylǵa qaldyryldy.
Áý basta saltanatty shara tamyz aıynyń 29-31 aralyǵynda Sprıngfıld qalasynda ótýi tıis edi. Alaıda koronavırýs pandemııasyna baılanysty bir jylǵa, ıaǵnı kelesi jyldyń tamyz aıyna shegerildi. 26 qańtarda óziniń jeke ushaǵymen áýe apatyna ushyrap qaıtys bolǵan 41 jastaǵy Braıan – UBQ-nyń bes dúrkin chempıony jáne MVP fınaldyq serııasynyń eki márte jeńimpazy. 18 ret «Juldyzdar matchynda» oınady. 1996-2016 jyldar aralyǵynda ol tek bir ǵana komanda – «Los Andjelestiń» sapynda óner kórsetti.
Kobı Braıanttan bólek, bıyl UBQ-nyń Dańq zalyna Kevın Garnett pen Tım Dankan, áıelder arasynan Tamıka Ketchıngs, Rýdı Tomıanovıch, Kım Malkı, Barbara Stıvens jáne Eddı Satton syndy bapkerdiń esimderi engizildi.