TÁÝELSIZ SARAPShYNYŃ OŃ BAǴASY

Jaqynda Jeneva qalasynda BUU Adam quqyqtary keńesiniń 13-shi sessııasy sheńberinde BUU Azshylyqtar máselesi jónindegi táýelsiz sarapshy Gaı Mak­Dýgallmen ınteraktıvti dıalog ótti. Interaktıvti dıalog kezinde Táýelsiz sarapshy man­daty sheńberindegi jyldyq jumysy­men qatar, onyń Qazaq­stanǵa jáne basqa da elderge jasaǵan saparlarynyń qory­tyn­dylary talqylandy. Táýelsiz sarapshy elimizde 2009 jyly maýsym aıynda sa­parmen bolǵanyn aıta otyryp, Qazaqstan Úkimetine yn­ty­maq­tastyq úshin tereń rızashylyǵyn bildirdi. G.MakDýgall Qazaqstanda 130-dan astam túrli etnos turyp jat­qanyn jáne ultaralyq tatý­lyqtyń úlgisi erekshe maqtanysh­pen atap ótilýi tıis ekenin aıtty. Osy rette, azshylyqtar máse­le­si­ne qatysty oń bastamalar turaqtylyq pen áralýandylyqqa degen qurmettiń kepili bolyp tabylady. Bul oraıda memle­kettik saıasat túrli etnostardyń óz tilin saqtap qalýyna, ulttyq mádenıet pen dástúrin damytý úshin qajetti etno-mádenı asso­sıasııalardyń qurylýy jáne qarjylandyrylýyna qoldaý kórsetip keledi. BUU-nyń táýelsiz sarapshy­sy Qazaqstan halqy Assambleıa­synyń róline erekshe toqtalyp, “Assambleıa azshylyqtardy taný jáne olardyń mádenı murasyn saqtap qalýda Qazaqstannyń ha­lyq­aralyq qaýymdastyq aldyn­daǵy  jaýapkershiligin kórsetetin mańyzdy ulttyq sımvoly” dep baǵa berdi. G.MakDýgall Qazaqstan aı­tar­lyqtaı jas memleket eken­di­gin jáne ol óz memlekettiligin nyǵaıtýda, qazaq tilin jáne qa­zaq mádenıetin jańǵyrtýda qı­yndyqtar joq emes ekenin moı­yndaı kele, buǵan qaramastan, Qazaqstan barlyq ulttar men etnostyq toptarǵa qushaǵy aı­qa­ra ashyq ekenin, sonymen birge, ózine tán ulttyq kýálik qalyp­tastyrýǵa kúsh jumsap jatqanyn málimdedi. BUU-nyń táýelsiz sarapshy­sy ulttyq azshylyqtardyń óz ana tilinde bilim alý sapasyn arttyrý, tıisti oqýlyqtarmen qamtamasyz etýde sheshilmegen birqatar máseleleri bar ekenin qabyldaı otyryp, Úkimettiń bul baǵyttaǵy oń qadamdaryn odan ary jalǵastyrýyn surady. G.MakDýgall Qazaqstandaǵy ultaralyq tatýlyqty joǵary baǵalap qana qoımaı, dinaralyq tózimdilik pen úılesimdilik jáne dinı bostandyqtyń joǵary deńgeıine toqtalyp ótti. О́z kezeginde Qazaqstan Úki­me­tiniń ókili BUU Adam quqyq­tary keńesimen jáne BUU Táýel­siz sarapshysymen odan ary syndarly yntymaqtastyqty jal­ǵastyrýǵa daıyndyǵyn má­lim­dedi. Interaktıvti dıalog bara­syn­da Adam quqyqtary keńesiniń músheleri Qazaqstan memle­keti­niń qazaq tilin, mádenıetin qaıta jańǵyrtý jáne basqa ulttardyń qundylyqtaryn saqtap qalýdaǵy tájirıbesin qyzyǵýshylyqpen qabyl alǵandaryn aıtty. “Egemen-aqparat”.