Qaraǵandy oblysynda ótken táýlik ishinde 34 adamnyń koronavırýs ınfeksııasyn juqtyrǵany zerthanalyq negizde rastaldy, dep habarlady oblys ákiminiń baspasóz qyzmeti.
Naýqastar buryn juqtyrǵandarmen jaqyn qarym-qatynasta bolǵan adamdardy tekserý kezinde jáne skrınıng barysynda anyqtaldy. Olardyń 15-i Temirtaý, 13-i Qaraǵandynyń turǵyndary. Sondaı-aq, aýyrǵandar arasynda Abaı aýdanynyń tórt turǵyny jáne Saran qalasy men Buqar jyraý aýdanynda turatyn bir-bir turǵynnan bar.
Pasıentterdiń barlyǵy ınfeksııalyq stasıonarǵa jatqyzyldy. Dárigerler olardyń densaýlyq jaǵdaıy qanaǵattanarlyq ekenin aıtady. Indet shyqqan oshaqtarda dezınfeksııalyq jumystar júrgizildi.
28 mamyrdaǵy jaǵdaı boıynsha Qaraǵandy oblysynda KVI juqtyrýdyń 788 oqıǵasy tirkelgen. Onyń ishinde úsh naýqas «jaman tumaýdan» kóz jumdy jáne 217 adam jazylyp shyqty.
Qaraǵandy oblysy