13 mamyrda Qazaqstan Respýblıkasy aýmaǵynda koronavırýstyq ınfeksııanyń paıda bolýy men taralýyna jol bermeý jónindegi vedomstvoaralyq komıssııanyń sheshimine sáıkes, aǵymdaǵy jylǵy 5 maýsymynan bastap avtomobıl kóligimen jolaýshylar tasymaly qalpyna keltiriledi.
Jolaýshylardy avtobýstarmen tasymaldaý kezinde tasymaldaýshylardyń tıisti jumys algorıtmi Bas sanıtarlyq dárigerdiń qaýlysynyń talaptaryn eskere otyryp ázirlendi. Atap aıtqanda:
- baǵdardyń sońǵy pýnktterinde avtobýstarǵa dezınfeksııa júrgizý;
- jolaýshylardy salonǵa medısınalyq betperdemen ǵana kirgizý;
- jolaýshylar arasyndaǵy keminde 1 metr qashyqtyqty ustaný;
- júrgizýshilerdi qolǵaptarmen jáne medısınalyq betperdelermen qamtamasyz etý, olardy ýaqytyly aýystyrý (árbir 2 saǵat saıyn);
- avtopark qyzmetkerlerin eki aptada 1 ret SOVID-19-ǵa teris nátıje týraly anyqtama bolǵan kezde ǵana jumysqa shyǵarý sııaqty talaptar.
Ákimdikter jolaýshylar tasymaly kezinde koronavırýstyq ınfeksııanyń taralýynyń aldyn alýda tıimdi bolý úshin tasymaldaý prosesine qatysýshylardyń osy algorıtmge sáıkestigin qamtamasyz etýge qajetti sharalardy qabyldaýy tıis.
Qazirgi ýaqytta respýblıkada 313 qalaaralyq baǵyt bar. Olardy 610 avtobýspen (syıymdylyǵy 45-55 oryndyq III sanattaǵy avtobýstar) 88 tasymaldaýshy kásiporyn atqarady.
Reseı, Qytaı, О́zbekstan, Qyrǵyzstan jáne Mońǵolııamen halyqaralyq baǵyttardy jańǵyrtý týraly sheshim bul elderdegi sanıtarlyq-epıdemıologııalyq jaǵdaıdyń jaqsarýyna qaraı qabyldanady.