Máselen, Shymkent qalasy bilim berý salasyn sıfrlandyrýda kósh bastap tur. Bul salada balabaqshalar, mektepter jáne basqa da bilim berý mekemelerine qujat qabyldaý, joldama berý boıynsha suranysqa ıe memlekettik qyzmetter avtomattandyrylǵan.
Shymkentte «Aqyldy qalalar» etalondyq standarty men «Sıfrlyq Qazaqstan» memlekettik baǵdarlamasy aıasynda 8 negizgi saladan turatyn tujyrymdama júzege asyrylyp jatqanyn aıtqan qala ákimi M.Áıtenov, bul baǵyttaǵy jumystardyń odan ári jalǵasatynyn atap ótti.
Vedomstvo basshysyna qaladaǵy sıfrlandyrý boıynsha atqarylyp jatqan jumystardy baıandaǵan qala ákiminiń birinshi orynbasary E.Sadyr densaýlyq saqtaý salasynda medısınalyq mekemeler jyl sońyna deıin 100% kompıýterlik tehnıkamen qamtylatynyn jetkizdi. Onyń aıtýynsha, megapolıste «103» jedel medısınalyq qyzmetin jańǵyrtý» jobasy iske asyrylýda. Joba negizinde maýsym aıynda turǵyndarǵa der kezinde kómek kórsetý, qońyraýlardy úzilissiz qabyldaý úshin Call-ortalyq qurý kózdelip otyr. Sonymen qatar, ákimdik tarapynan kórsetiletin 160 memlekettik qyzmettiń 141-i avtomattandyrylǵan, bul 88,1%-dy quraıdy.
Budan bólek, jer qatynastary salasyn sıfrlandyrý maqsatynda ótken jyly halyksaulet portaly iske qosyldy. Halyksaulet arqyly mekenjaıǵa nómir berý, ony naqtylaý jáne joıý qyzmetteri avtomattandyrylǵan júıe arqyly bir jumys kúniniń ishinde usynylyp jatyr. Búginde shaharda bas jospardyń ınvestısııalyq kartasy (shymkent.genplan.kz) ázirlengen. Endigi kezekte Shymkent qalasynyń geoportaly dayndaý jumystary júrgizilip jatyr.