JAŃA PÁTERLER KО́BEIDI

Al qonys toıyn toılaǵan turǵyndar jarqyraǵan osyndaı bıik úıler boı kótergen bul aýdan endi Astana dep atalsa degen tilek aıtýda. Jaz aıynda atalyp ótetin elor­da­nyń týǵan kúnine oraı turǵyndar osyn­daı nıet pen peıil bildirgen bul aýdan qazir Ýsolka dep atalady. Bul yqsham aýdan oblys orta­ly­ǵy­nyń ońtústik bóliginde, Ertis óze­ni­niń jaǵalaýynda ornalasqan. Iаǵnı, 80-shi jyldardan bastap tur­ǵyn úıler qurylysy boı kóte­rip, dúkender, mektepter salyna bas­tady. Shetkeri aýdan bolǵandyqtan qalaaralyq tramvaı jolyna qo­syl­ǵan, baǵyttaǵy avtobýstarda da kedergi joq. Keıingi jyldary bul shaǵyn aýdanǵa jaqsy kóńil bó­liný­de. Elimizde qabyl­dan­ǵan mem­le­kettik turǵyn úı baǵdar­lamasyna oraı jıyrmaǵa jýyq úıler sa­lyn­dy. О́tken jyly biraz kesheýil­de­gen turǵyn úılerdiń jaǵdaıy oblys ákimi Baqytjan Saǵyntaevtyń  syn tezi­ne túsip, nazarǵa alynýdyń ná­tı­je­sinde, baqylaýdyń, talaptyń arqasynda turǵyndar jańa páter­lerge ıe boldy. Qurylys áli de jalǵasýda. Osydan eki jyl buryn 1500 oqýshyǵa arnalǵan  qazaq ti­lin­de bilim beretin jańa  mektep, osy maqsatqa arnalǵan jańa bala­baq­sha paıdalanýǵa berigen bola­tyn. Elbasy oblysqa kelgen bir sa­pa­rynda jarqyrap ósip kele jat­qan osy bir shaǵyn aýdandy kórip, mektepti, balabaqshany aralap bóbekterge syılyq  tartý etken edi. Bul kúnderi osy jerde jańa emhana salynyp, qurylysy bitip daıyn tur. Birneshe saýda dúkenderi, aýla klýbtary jumys jasaýda. Mine, jýyrda ǵana áz-Naýryzymyz tabal­dyryq attaǵan kúni bul aýdan turǵyndary da kóbeıdi. Ja­ńadan salynǵan úıden 107 otbasy páter kilt­terin aldy. Iаǵnı, bul páterler qala­lyq turǵyn-úı komıssııasy­nyń sheshi­mi­men talaı jyldan beri kezekte turǵan páterge asa muqtaj múgedekterge, zeı­net­kerlerge, jetim balalarǵa, kóp ba­la­ly analarǵa berildi degen sóz.Páter kiltterin alý­ǵa jınalǵan jurtshylyqty qonys toıymen quttyqtaǵan oblys ákimi Baqytjan Saǵyntaev jyl aıaǵyna deıin soǵys ardagerlerine jáne ıpotekalyq jáne arendaǵa beriletin jańa úılerdiń qurylysy aıaqtalatynyn aıtyp ótti. Farıda BYQAI. Pavlodar.