Máskeýdegi Nıgerııa elshiligine stýdentter narazylyq bildirdi. Bul týraly «vesti.ru» habarlady.
Máskeýdiń joǵary oqý oryndarynda bilim alyp júrgen Nıgerııanyń 20 stýdenti óz elshiligine shaǵymdanyp kelgen bolatyn. Olar ózderine tıesili shákirtaqynyń biraz ýaqyt boıy berilmeı júrgenine narazylyq bildirgen. Alaıda, Nıgerııa elshiligi ókilderi stýdentterdiń máselesin sheshe almaı, olardan mekemeni bosatýdy talap etken kórinedi. Ashynǵan stýdentter ondaǵy jıhaz ben tehnıkalyq qural-jabdyqtardy syndyrǵan.
Reseı IIM baspasóz qyzmetiniń málimdeýi boıynsha, oqıǵa ornyna jetken polısııa qyzmetkerleri 16 stýdentti ustaǵan. Qazir olardy ákimshilik jaýapkershilikke tartý máselesi qarastyrylýda.
«Biz Reseıdiń halyqtar dostastyǵy ýnıversıteti Nıgerııa stýdentteriniń talabyn qoldaımyz. О́ıtkeni, Nıgerııa úkimeti óz stýdentterin qarjylandyrýǵa mindetti»,–deıdi ýnıversıtet rektory Vladımır Fılıppov.
Aıdar О́risbaev.