2017 jyly aýdan ákimdigi Qaraoba aýylynda Gernet jerlengen zırat basyna eskertkish belgi ornatty.Eskertkish belgide: Zdes v avgýste 1943 goda pohoronen Gernet Evgenıı Sergeevıch voennyı morıak, ıssledovatel Arktıkı. Repressırovan v 1938 godý» dep jazylǵan.
Bul jerdegi zıratta E.Gernetpen birge jer aýdarylǵan basqa da qýǵyn-súrginge ushyrǵan adamdar jerlengen. Al tarıhı málimetter E.Gernettiń (1882-1943) alys teńiz kapıtany, orys-japon soǵysynyń batyry, Azov Qyzyl flotynyń basshysy, Arktıka zertteýshisi bolǵanyn jazady.
Dvorıandar áýletiniń urpaǵv Evgenıı Gernet 1882 jyly Sankt-Peterbordaǵy Krondshtatta dúnıege kelgen.Ǵalym Soltústikti muzdy muhıtty ǵylymı túrde zertteý úshin birneshe ekspedısııa joldaryn daıyndaıdy.
1937 jyly zertteýshi gıdrolog-ǵalymdar tobyn bastap,Soltústik muzdy muhıtqa zertteý jumysynyń joba kartasyn jasaıdy.1938 jyldary ártúrli saıası jala, «japon tyńshysy» degen aıyp taǵylǵan Evgenıı Gernet jazyqty bolyp, qazaq jerine túkpirdegi Qaraoba kolhozyna jer aýdarylady.
Al 1943 jyly 5 jyly ótelip Qazanǵa barýǵa ruqsat berildi.Galına esimdi qyzyna barmaq bolyp, qýanyshty habardan júregi shydamaı, kenetten qaıtys bolǵan.
Qaraoba aýylynyń turǵyndary 1956 jyly áke beıitin izdep kelgen Galına Gernetti qarsy alyp, qyzyna onyń jerlengen jerin kórsetedi. 2011 jyly Galına Gernet ákesine arnap «On ýmer ot radostı» degen kitap jazǵan. Ol óziniń qoltańbasy bar kitapty aýyl mektebine syıǵa tartypty.
Karta jasaǵan zertteýshi-ǵalymnyń polıar muz basýyna baılanysty zerttegen eńbegi keıin dáleldengeni jazylǵan. Jyl saıyn aqtoǵaılyqtar Evgenıı Gernet beıitiniń basyna baryp gúl shoqtaryn qoıyp, ótken zulmat qurbandaryn eske alady.
Pavlodar oblysy