Jyl saıyn órtenetin qoqys alańy taǵy da tútinge orandy. О́tken túnde saǵat shamamen 3:30-da tutanǵan jalyn qoqys alańynyń 100 sharshy metr aýmaǵyn sharpydy. «Arnaýly avtobaza» JShS-niń mamandary órtti búgin tańǵy saǵat 7:00-diń shamasynda sóndirdi.
– О́rt týraly qalalyq ákimdikke, tótenshe jaǵdaı departamentine, tabıǵat qorǵaý prokýratýrasyna habarlandy. Seriktestiktiń 15 jumysshysy órtti sóndirýge jumyldyryldy. Sondaı-aq, 6 samosval, 2 tıegish, 2 sý shashatyn tehnıka tartyldy. Osylaısha, órt aýyzdyqtalyp, úlken aýmaqqa taralǵan joq, -dep habarlady «Arnaýly avtobaza» JShS-niń mamandary.
Atyraý qalasynan bes shaqyrym qashyqta ornalasqan qoqys alańyna 1977 jyldan beri túrli qaldyq tógiledi. Onyń jalpy aýmaǵy 35 gektardy quraıdy.