«Qaırat» fýtzal klýbynyń brazılııalyq bas bapkeri Paýlo Rıkardo Fıgeıra Sılva aldaǵy maýsymda da Almaty komandasyn jattyqtyratyn boldy.
Jankúıerlerge Kaka esimimen tanymal 43 jastaǵy brazılııalyq maman «Qaırat» komandasyn 2018 jyldyń sáýirinen beri jattyqtyryp keledi. Ataqty bapker eki jyldyń ishinde Almaty klýbymen birtalaı jetistikke jetti. Atap aıtar bolsaq, ótken maýsymda Qazaqstan chempıonaty men Qazaqstan kýbogynda top jardy. Sonymen qatar 2018-2019 jyly Chempıondar lıgasynyń fınalısi jáne ÝEFA kýbogynyń kúmis júldesin oljalady. Koronavırýs pandemııasyna baılanysty ýaqytsha toqtatylǵan bıylǵy el chempıonatynda da «Qaırat» birinshi orynda keledi.
Brazılııa jáne Ázerbaıjannyń azamattyǵyn alǵan Kaka buǵan deıin 2010-2012 jyldary Ázerbaıjannyń «Neftchı», 2012-2018 jyl aralyǵynda Reseıdiń «Gazprom-Iýgra» komandasyn jattyqtyrǵan. Qazirgi tańda «Qaırat» klýbymen birge fýtzaldan Qazaqstan ulttyq quramasyn da baptaıdy.