Qaraǵandy gúlzarlaryn sándeý maqsatynda jastar arasynda uıymdastyrylǵan baıqaý óz máresine jetti. «Azamat» qoǵamdyq birlestiginiń bastamasymen «Inklıýzıvti eriktiler mektebi» jobasy aıasynda ótkizilgen «Jeńis gúlderi» atty baıqaýdyń jeńimpazdary anyqtaldy. Jaqyn kúnderi jastar qaladaǵy baqtarǵa ózderinshe kórik bermek.
Erekshe bilim berý qajettilikteri bar balalardy áleýmettik mańyzy bar is-áreketke tartý maqsatynda uıymdastyrylǵan baıqaý qatysýshylary 1 aqpan men 15 mamyr aralyǵynda qala gúlzarlarynyń dızaınyn usynýy kerek bolatyn. Baıqaýǵa Qaraǵandy qalasyndaǵy 22 bilim berý uıymy qatysty. Onyń 19-y mektep, úsheýi mektepke deıingi mekemeniń tálimgerleri. Jumystaryn prezentasııa, foto, maket jáne beınematerıaldar retinde kórsetip, jobalaryn tanystyrdy. Sonymen qatar tańdalǵan gúlder ataýy, tústeri men kompozısııasynyń tutastyǵy, erejege sáıkes ósimdik tuqymdaryn sebý, kútý, kóshetterdi daıyndaý tehnologııalary boıynsha usynystary da eskerildi.
Úzdik dep tanylǵandar Halyqaralyq balalardy qorǵaý kúni qarsańynda Qaraǵandy qalasyndaǵy Núrken Ábdirov eskertkishiniń janynda bir jyldyq gúl kóshetterin otyrǵyzdy.