Bul týraly Aýyl sharýashylyǵy mınıstri Saparhan Omarov esep berý kezdesýinde aıtty.
«Memleket basshysynyń tapsyrmasyn oryndaý aıasynda sýarmaly jerlerdiń kólemin ulǵaıtý jumystary jalǵasýda. Qazirgi ýaqytta sýarmaly jerlerdiń kólemi 1 mln 546 myń gektardy quraıdy, onyń ishinde 210,4 myń gektar jer jańbyrlatyp jáne tamshylatyp sýarý sııaqty ylǵal-resýrs únemdegish tehnologııalarmen qamtylǵan, olar ónimdilikti birneshe ese arttyrady», - dedi S. Omarov.
Mınıstrdiń aıtýynsha, zamanaýı sýarý júıelerin engizýdi yntalandyrý úshin aýyl sharýashylyǵy óndirýshilerine ınfraqurylym júrgizý men sýarý júıelerin satyp alýǵa jumsaǵan shyǵyndarynyń 50%-y óteledi. Budan basqa, syıaqy mólsherlemesi 10%-ǵa tómendetiledi.