Bul týraly Aýyl sharýashylyǵy mınıstri Saparhan Omarov esep berý kezdesýinde aıtty.
AShM eldiń epızootııalyq jáne fıtosanıtarııalyq salamattylyǵyn qamtamasyz etý jáne qazaqstandyq aýyl sharýashylyǵy ónimderin ótkizetin eksporttyq naryqtar ashý boıynsha júıeli jumys júrgizýde.
«Ortalyq-oblys-aýdan» qaǵıdaty boıynsha veterınarııalyq baqylaý vertıkali zańnamalyq deńgeıde qalpyna keltirildi, bul baqylaýǵa jatatyn ónimder qozǵalysyn baqylaýdy kúsheıtýge jáne ónimniń «tanaptan ústelge deıin» qadaǵalanýyn qamtamasyz etýge septigin tıgizedi.
«О́tken jyly Qytaımen shoshqa etine, sút ónimderine, júnge qoıylatyn veterınarııalyq talaptar, zyǵyr tuqymyna, bıdaı unyna, quramajemge qoıylatyn fıtosanıtarııalyq talaptar kelisildi. Osydan birneshe jyl buryn Qytaı aýsyl men nodýlıarly dermatıt boıynsha qoıǵan shekteýler alyp tastaldy, bul óz kezeginde qazaqstandyq et ónimderi úshin Qytaı naryǵyna qoljetimdilik berdi», - dedi Saparhan Omarov.
Sondaı-aq, soıysqa arnalǵan tiri iri qara maldy, sıyr etin, usaq maldyń janama ónimderin, taǵamdyq jumyrtqany Iranǵa eksporttaýǵa qoıylatyn veterınarııalyq talaptar kelisildi.
«Nátıjesinde qazaqstandyq agroónerkásiptik keshen ónimderin eksporttaý kólemi Qytaıǵa 50,5%-ǵa, Parsy shyǵanaǵy elderine 3,2 esege, Ortalyq Azııa elderine 7,4%-ǵa, Eýrazııalyq ekonomıkalyq odaq elderine 8,2%-ǵa ulǵaıdy. Jalpy, ótken jyly qazaqstandyq ónimder álemniń 72 eline eksporttaldy. Bul rette, ótken jyldyń qorytyndysy boıynsha agroónerkásiptik keshen ónimderiniń eksporty 6,4%-ǵa ulǵaıyp, 3,3 mlrd AQSh dollaryn qurady», - dedi mınıstr S. Omarov.