Kún saıyn tártip saqshylary men eriktiler adamdar kóp júretin qoǵamdyq oryndarda, saıabaqtarda jaıaý patrýldik tekseriske shyǵady. Olar koronavırýs ınfeksııasynyń taralýyna jol bermeý úshin sanıtarlyq normalardy saqtaý qajeti týraly qala turǵyndaryna túsindirý júrgizýde.
Polısııa qyzmetkerleri men eriktiler sanıtarlyq normalar tolyq saqtalmaıynsha elordadaǵy karantın rejımi aıaqtalmaıtyny, tipti uzartylýy múmkin ekenin turǵyndarǵa túsindirýde. Sonymen qatar, olar tegin maska da taratty. ⠀
Sanıtarlyq talaptar men gıgıena erejelerin saqtaý – vırýspen kúresýdiń eń tıimdi tásili. Elordalyqtardyń kúndelikti ómir saltyna oralýy tikeleı ózderine baılanysty. ⠀
Sonymen qatar tártip saqshylary sanıtarlyq normalardy tolyqtaı saqtaýǵa shaqyrady. Atap aıtqanda, maska taǵyp, 2 metr áleýmettik qashyqtyq saqtaý, qoldy antıseptıkpen óńdeý óte mańyzdy.
Sondaı-aq úıdi jeldetý jáne dezınfeksııalaý quraldaryn qoldana otyryp, ylǵaldy tazalaý da qajet.