AQSh-tyń burynǵy vıse-prezıdenti Djo Baıden óziniń saıasattaǵy 40 jyldyq tájirıbesine qaramastan saıası álsiz. AQSh prezıdenti Donald Tramp Twitter-degi paraqshasynda básekelesi Baıdenge osylaı degen baǵa berdi.
«Uıqyly-oıaý Djonyń saıasatta júrgenine 40 jyl jáne eshteme tyndyrǵan emes. Endi ol ózin birdemeniń jaýabyn biletin adamdaı kórsetpek, biraq jaýapty qoıyp suraqty da bilmeıdi. Álsizdik anarhısterdi, maroderlerdi nemese baskeserlerdi eshqashan jeńe almaıdy. Al Djo ómir boıy saıası álsiz kúıinde keledi», dep jazǵan Tramp óz tvıtiniń sońyn «Zań men tártip» sózimen aıaqtady.77 jastaǵy demokrat Baıden aldymyzda ótetin 2020 jylǵy AQSh prezıdentiniń saılaýynda Tramptyń basty básekelesi.USA Today habarlaǵandaı, 1 maýsym kúni Delaver shtatyndaǵy hrıstıandar qaýymdastyǵy ókilderimen kezdesý barysynda Baıden prezıdenttiń demonstranttar narazylyǵyn basý jónindegi áreketin qatty synǵa alǵan bolatyn.
Ol sondaǵy sózinde amerıkalyq kongressti aldaǵy ýaqytta polısııa násilshildigine jol bermes úshin quqyq qorǵaý organdaryn reformalaýǵa shaqyrǵan edi.