Maqtaaraldaǵy ahýal baqylaýda

Oblys ákimi О́mirzaq Shókeev­tiń baqylaýyndaǵy tótenshe jaǵdaıdyń saldaryn joıý, qalpyna keltirý ju­mys­tary Maqtaaral aýdanynyń ortalyǵy Myrzakent kentinde ótken keńeıtilgen májiliste talqylandy. Oblystyq más­lı­hattyń hatshysy Qaırat Balabıev, Nur Otan partııa­sy oblystyq fılıaly tór­aǵa­synyń birinshi orynbasary Beısen Tájibaev, oblystyq bas­qarma basshylary, Jetisaı, Shardara, Saryǵash, Keles aýdany ákimderiniń orynbasarlary qatysqan jıynda negizgi 5 másele qaraldy.

Búginde aýdandaǵy evakýa­sı­ıa­lyq 8 bekette 996 adam orna­lasqan. Onyń 79-y  Jańa­turmys, 407-si Jeńis, 345-i Fır­doýsı, 165-i О́rgebas aýyl­da­rynyń turǵyndary. Beket­terde sanıtarlyq talap­tar­dy saqtaý sharalary qaras­ty­rylyp, aspazdar kúndelikti medısınalyq tekserýden ót­kizilýde. «Jeńis eldi mekeninde 1 myń dollarǵa 273 otbasynyń qujaty qabyldanyp, oblystyq qarjy basqarmasyna tapsyryldy. Sonymen qatar jalpy 323 otbasynyń 301-inen qujat jınaqtalyp, kartochkalary tabystaldy. Jeńis eldi mekeninde jalpy turǵyn úı sany – 257, sonyń ishinde 204 turǵyn úıdiń qujaty jınalyp, Maqtaaral aýdandyq qurylys bólimine tapsyryldy», dedi Shardara aýdany ákiminiń orynbasary Baýyrjan Shompıev.

Oblystyq qurylys basqarmasy basshysynyń orynbasary Tájibaı Egetaev búginde Myrzakent mańyndaǵy jańa shaǵyn aýdanda  qurylys qarqyndy júrgizilip jatqanyn jetkizdi. Zardap shekken áleýmettik nysandar jańadan salynady. Iаǵnı Fırdoýsı jáne О́rgebas eldi mekenderi men Myrzakent kentinde zamanaýı feldsherlik-akýsherlik pýnktiniń qurylysy men 1200 oryndyq mektep, polısııa tirek pýnkti jáne 280 oryndyq balabaqsha qurylysy bastalady. Bul maqsatta oblys ákimdigi rezervinen qarjy qarastyrylady. Búginde Jeńis, Jańaturmys, Dostyq eldi meken turǵyndarynyń kelisimi bo­ıynsha Myrzakent kentinde 425 jeke turǵyn úıdiń qurylysy júrgizilýde. Sonyń ishinde 235 turǵyn úı memlekettik bıýdjet esebinen, qalǵan 190 úıdiń 150-i «B.О́temuratov», 20-cy «Salıqaly urpaq», 20-cy «Biz birgemiz!» qorlarynyń demeýshiligimen salynýda. Jalpy 839 turǵyn úıge akkredıttelgen sarapshylar tarapynan tehnıkalyq zertteý jumystary júrgizilip, 623 úıge qorytyndy alyn­ǵan. Qazirgi tańda 188 úıdiń irgetasy quıylyp, 73-iniń qa­byrǵasy kóterilýde. Sondaı-aq bir úıdiń shatyry jabylýda. Bul jumystarmen 37 merdiger kompanııa men 1334 qurylysshy aınalysýda. Má­jilis barysynda Jańajol aýyl­dyq okrýgi О́rgebas, Fırdoýsı aýyldaryn qalpyna keltirý jumystarynyń da esebi tyńdaldy. «Túrkistan» kor­poratıvtik áleýmettik damý qorynyń tóraǵasy Jan­dos Orynbaevtyń aıtýynsha, búginde Fırdoýsı jáne О́rge­bas aýylynan 400 tonnaǵa jýyq qoqys shyǵarylǵan. Fır­doý­sıde 100 úı, О́rgebasta 55 bas­pana tolyǵymen buzyl­ǵan. Sondaı-aq turǵyn úı qu­ry­lysyna О́rgebas aýylynyń 156, Fırdoýsı aýylyndaǵy 183 otbasynyń árqaısysyna 17 mln teńgeniń 50 paıyzy, ıaǵ­nı, 8,5 mln teńgesi tolyq aýda­rylǵan.

Sý basýdyń saldarynan zardap shekken azamattarǵa tólenetin ótemaqylar týraly baıandaǵan oblystyq Qarjy jáne aýdıt memlekettik aktıvter basqarmasynyń basshysy Abdrahman Tasybaev zardap shekken turǵyndarǵa Á.Ýsmanov qorynan 5 mln 202 myń AQSh dollary 5202 otbasynyń (30 420 adam) esepshotyna aýdarylyp jatqanyn jetkizdi. Búginde bul qarjyny 1308 otbasy alyp úlgeripti. Sondaı-aq turǵyndarǵa 4638 bank kartasynyń 90 paıyzy taratylyp berilgen. Al 650 mln teńge ár otbasyna Úkimettiń rezervinen 100 myń teńgeden berý maqsatynda bólinip otyr. Ol aýdan ákimdiginiń málimetine sáıkes, 846 úıdiń 6128 adamyna beriledi.

Aýyl sharýashylyǵy bas­qarmasy basshysynyń orynbasary Turǵanbek Ospanov sý tasqyny kezinde Maqtaaral aýdanyndaǵy 10 eldi mekenniń 994 agroqurylymyna tıesili 5624,8 gektar egistik alqabyna zaqym kelgenin aıtyp ótti. Sonyń búginde 1893,2 gektary qaıta óńdelip, 1545 gektaryna túrli aýyl sharýashylyǵy daqyldary egilipti. Sondaı-aq qazirgi tańda 22 azamatqa tıesili 144 bas aýyl sharýashylyǵy janýarlary anyqtalyp, ótem­aqy taǵaıyndalýda.

Jıyn qorytyndysy bo­ıynsha topan sýdyń saldaryn joıý baǵytyndaǵy ju­mys­tardy kúsheıtý, sonyń ishinde evakýa­sııalyq beketterdiń, Myrza­kent mańyndaǵy jańa shaǵyn aýdandaǵy qury­lys jumys­tarynyń qarqy­nyn báseńdetpeý, sý basqan aýyl turǵyn­darynyń ótemaqy­laryn tezdetip tóleý, О́rgebas, Fır­doýsı aýyldaryndaǵy qalpyna keltirý jumystaryn nazarǵa alý qajettigi aıtyldy.

Túrkistan oblysy