Bokstan Ázerbaıjan quramasy Almatyda ótetin álem chempıonatyna qatysatyn quramyn anyqtady. Bul týraly Ázerbaıjan boks federasııasynyń málimetine silteme jasaǵan Sport.1news.az tilshisi habarlady.
-Sporttyq mansabyn aıaqtaǵan Samır Mamedovty (56 kg) Djavıd Chelebıev almastyrdy. Al jastar arasyndaǵy 2012 jylǵy álem chempıonatynyń júldegri Pıarvız Bagırov (69 kg) birinshilikte Tamerlan Abdýllaevtyń ornynda óner kórsetedi, - delingen habarlamada.
Bir aıta ketetin jáıt, Tamerlan – qazaqtyń jıeni. Onyń anasy Ońtústik Qazaqstan oblysynyń týmasy. Naǵashy ata-ájesi qazir de osy óńirde turady.
Ázerbaıjan quramasynyń múshederi qazirgi kúnderi Qazaqstan jerinde. Olar bizdiń qurama jigitterimen birge jattyǵyp jatyr.
Sonymen, Ázerbaıjan quramasy mynadaı:
49 kg – Salman Alızade, Eýropanyń 2011 jáne 2013 jyldarǵy qola júldegeri;
52 kg - Elvın Mamıshzade, 2010 jylǵy Eýropa chempıonatynyń kúmis júldegeri, 2013 jylǵy qola júldegeri;
56 kg - Djavıd Chelebıev;
60 kg – Elvın Isaev;
64 kg – Geıbatýlla Gadjalıev, Eýropanyń 2011 jylǵy qola júldegeri;
69 kg – Pıarvız Bagırov;
75 kg – Soltan Mıgıtınov;
81 kg – Raýf Ragımov;
91 kg - Teımýr Mamedov – Eýropanyń 2011 jylǵy chempıony, 2013 jylǵy kúmis júldegeri, álemniń 2011 jylǵy kúmis júldegeri, 2012 jylǵy Olımpııalyq oıyndardyń qola júldegeri;
+91 kg – Magomedrasýl Medjıdov – álemniń 2011 jylǵy chempıony, 2013 jylǵy Eýropa chempıony, 2012 jylǵy Olımpııalyq oıyndardyń qola júldegeri.
Bas jattyqtyrýshy – Vladımır Zolotarev, jattyqtyrýshy - Narıman Abdýllaev.
Rýslan Igilik.