Oblys ákiminiń jýyrda taǵaıyndalǵan orynbasary Ermek Marjyqbaev alǵashqy jumys kúnin jýrnalısterdi Shýche-Býrabaı kýrortty aımaǵyna alyp barýdan bastady. Maqsat memlekettik baǵdarlamanyń mańyzdy tarmaǵy – jol qurylysy máselelerine nazar aýdarý. Shynyn aıtar bolsaq, bul óńirdegi jol jyry meılinshe ótkir kúıinde qalýda.
Oblys ákiminiń jýyrda taǵaıyndalǵan orynbasary Ermek Marjyqbaev alǵashqy jumys kúnin jýrnalısterdi Shýche-Býrabaı kýrortty aımaǵyna alyp barýdan bastady. Maqsat memlekettik baǵdarlamanyń mańyzdy tarmaǵy – jol qurylysy máselelerine nazar aýdarý. Shynyn aıtar bolsaq, bul óńirdegi jol jyry meılinshe ótkir kúıinde qalýda.Sondyqtan, biz bul sapardyń betburysty sıpatyn ańǵarǵandaı edik.
Bıylǵy jyldyń tamyz aıynan bastap Shýche qalasynda jol jóndeý jumystary qyzý júrýde eken. Atalǵan joba Shýche-Býrabaı kýrortty aımaǵyn damytýdyń 2012-2013 jyldarǵa arnalǵan josparyna engizilgen. Osy maqsatqa respýblıkalyq bıýdjetten 529 mıllıon teńge qarajat bólinipti. «Kompanııa Energodor» jaýapkershiligi shekteýli seriktestigi jóndeý jumystaryn qazan aıynyń aıaǵyna deıin aıaqtaýdy mejelep otyr. Jalpy, 2013-2016 jyldary Shýche qalasynda 57 shaqyrymdyq kóshe joldary qalpyna keltiriledi.
Aǵymdaǵy jyly Býrabaı kentiniń joldaryn jańartýǵa respýblıkalyq bıýdjetten 645 mıllıon teńge bólinipti. Tutastaı aıtsaq, úsh jyldy qamtıtyn joba quny 1836,8 mıllıon teńgeni quraıdy. Joba boıynsha 6,2 shaqyrymdyq jol ýchaskeleri jańartylatyn bolady. Aýdan ortalyǵyndaǵy Abylaı han, Edomskıı, Prıvokzalnaıa, Morozov kósheleri men temir jol beketi mańyndaǵy aınalma joldarǵa ortasha jóndeý jumystary júrgizilýde. Sonymen qatar, Stepnıak, Vedenovka, Nıkolaevka, Aqylbaı eldi mekenderine aparatyn kúrejoldar da jóndeýden ótýde. Kelesi jyly qalada 12 kóshe kúrdeli jóndeledi dep josparlanǵan.
Jasyratyny joq, qalada jol jóndeý jumystary osy ýaqytqa deıin júıelenbeı kelgen, deıdi Býrabaı aýdanynyń ákimi Nurlan Nurkenov. Aldymen asfalt tósep alyp, sosyn ınjenerlik jelilerdi tartatyn keleńsizdik oryn alypty. Qazir keıbir kóshelerdiń bir bóligi jabylyp, káriz kollektory, jylý magıstrali jańartylýda. Qala tazalyǵy, kýrortty aımaqty damytý máselesi de qolǵa alynǵan. Búgingi kúni aýdanda qysqy jylý maýsymyna daıyndyq qyzý júrýde. О́tken jyly qaqaǵan qys ortasynda qalada bir qazandyq isten shyǵyp, biraz qıyndyq týyndaǵan edi. Osyndaı keleńsizdik taǵy qaıtalanbas úshin barlyq jylý júıeleri tolyq baqylaýǵa alynyp, eskirgen jylý qazandyqtary jóndeýden ótkizildi.
Jazdaı jaýǵan jańbyr kóptegen jumystardyń ýaqytynda aıaqtalýyna kedergi keltirgeni kórinip tur. Oblys ákiminiń orynbasary kúzdiń árbir ashyq kúnin tıimdi paıdalaný kerektigin alǵa tartty. Bul úshin jumys kestesi qatań saqtalýy tıis. Sonymen qatar, asfalt jáne basqa qurylys materıaldaryn satyp alý, tasymaldaý durys oılastyrylýy kerek. Munda merdigerlermen yntymaqtasyp jumys isteý eńbek ónimdiligin arttyrýdyń sharty bolmaq. Keler jyly jumys aýqymy bıylǵydan góri kúrdelene túsedi. Úkimet aqmolalyqtarǵa kýrortty aımaqty damytý úshin qolaıly múmkindikter týdyryp otyr. Endigi jerde júktelgen mindettiń oıdaǵydaı oryndalýyn qamtamasyz etý qajet.
Baqbergen AMALBEK,
«Egemen Qazaqstan».
Aqmola oblysy,
Býrabaı aýdany.