О́skemendegi «Azııa-Avto» zaýytynyń ekinshi tynysy ashyldy. Munyń aldynda da aqparat quraldary ókilderi jaqyn arada quny 62,4 mıllıard teńgeni quraıtyn tolyq sıkldy óndiris ornynyń qurylysy bastalatynynan habardar etken bolatyn. Onyń jobasy respýblıkanyń ındýstrııalandyrý kartasyna enip, Elbasynyń nazarynda turǵany belgili.
О́skemendegi «Azııa-Avto» zaýytynyń ekinshi tynysy ashyldy. Munyń aldynda da aqparat quraldary ókilderi jaqyn arada quny 62,4 mıllıard teńgeni quraıtyn tolyq sıkldy óndiris ornynyń qurylysy bastalatynynan habardar etken bolatyn. Onyń jobasy respýblıkanyń ındýstrııalandyrý kartasyna enip, Elbasynyń nazarynda turǵany belgili.
Sonymen zaýyt qurylysy bastaldy. Shyǵys Qazaqstan oblysynyń ákimi B.Saparbaev arnaıy tapsyrma berip, qurylys alańyna 306 gektar jer telimi bólindi. Bıyl 600 mıllıon teńgeniń qurylys-montaj jumystary atqarylmaq. 18 qyrkúıekte Úkimet basshysy Serik Ahmetovtiń qatysýymen elimizdegi avtomobıl óndirisin damytý jóninde alqaly jıyn ótti. Bizge naqty tapsyrma berildi. Zaýyt qurylysyn merziminde aıaqtaý, otandyq óndiristi jetildirý ońaı sharýa emes. Maqsat belgili – Qazaqstanda shyǵarylatyn zaýyt ónimderi sapaly bolýy tıis, ony kórshi memleketterge saýdalaýdy tıimdi uıymdastyrǵanda ǵana, tabys bıiginen kórine alamyz, dedi «Azııa-Avto-Qazaqstan» kompanııasynyń prezıdenti Erjan Mandıev.
О́ńir basshysy B.Saparbaev sonymen birge, Semeıdegi «SemAZ» avtobýs zaýyty shyǵaratyn kólikterdi qazaqstandyq kásiporyndardyń qoldaýy, mekemeler men uıymdardyń satyp alý máselesi de sheshilgenin telge tıek etti. Shynynda da, shetten tasyǵannan góri óz kóligimizge qoldaý kórsetýdiń tıimdi jaqtary kóp ekeni árkimge belgili bolsa kerek.
Aldyn ala esepteý boıynsha, zaýyt tolyq qýatynda iske qosylǵanda kásiporynda 12 myń adam jumysqa tartylmaq. 2017 jyly bıýdjetke – 15,1, al 2022 jyly 21,5 mıllıard teńge qarjy túsýi tıis dep belgilendi. Atalmysh jobaǵa álemdegi belgili «Reno-Nıssan-Avtovaz» kompanııasynyń qatysýy da otandyq kóliktiń bolashaǵyn aıqyndap bermek.
Ońdasyn ELÝBAI,
«Egemen Qazaqstan».
О́SKEMEN.