Bul oqys oqıǵa Mahambet aýdanynda tirkelip otyr. Tótenshe jaǵdaılar departamentiniń habarlaýynsha, 2 maýsymda Qańbaqty qystaǵynan 17 jáne 18 jastaǵy jasóspirimder uıaly telefonmen sóılesý úshin mobıldi baılanys izdestirýge shyqqan. Biraq, sol kúni qystaqqa qaıta oralmaǵan.
–Qańbaqty qystaǵy Mahambet aýdanynyń ortalyǵynan 65 shaqyrym qashyqta ornalasqan. Bastapqyda olardy týystary izdestirip, taba almaǵan. Sodan soń, 3 maýsymda Tótenshe jaǵdaılar departamentine habar bergen. Joǵalǵan jasóspirimderdi izdeýge 4 qyzmetker jiberildi, - dep habarlady Tótenshe jaǵdaılar departamentiniń baspasóz qyzmeti.
Alaıda, qutqarýshylar qystaqqa kelgenge deıin týystary eki jasóspirimdi izdeýdi toqtatpaı, qzderi taýyp alypty. Olardyń aıtýynsha, joǵalǵan jasóspirimder dalada ystyqtan qorǵaný úshin ıesiz jatqan avtokóliktiń kóleńkesine tyǵylypty. Sharshaǵan bolýy kerek, olar jerde uıyqtap qalǵan eken.
Atyraý