World Athletics Tokıoda ótetin jazǵy Olımpıada oıyndaryna olımpıadalyq irikteý erejesin jarııalady, dep habarlaıdy Olympic.kz.
Olımpıada 2021 jylǵa keıinge shegerilýine baılanysty irikteý erejesine ózgeris engizilgen. Dese de, Olımpıadalyq irikteý boıynsha negizgi qaǵıda – belgili normatıvter boıynsha irikteý ózgerissiz qalǵan. Sonymen qatar, álemdik reıtıng boıynsha da erejege jańartýlar engizilmegen. 2019 jylydyń irikteý maýsymynda belgili normavtıv oryndaǵan sportshylardyń nátıjesi sol boıynsha saqtalady. Al 2020 jyldyń 6 sáýiri men 30 qarashasy aralyǵyndaǵy kvalıfıkasııalyq kezeń ýaqytsha toqtatylady.
Jas erekshelikterine baılanysty ózgeris engizildi. Atap aıtqanda:
- 2001 jyly jáne oǵan deıin týǵan sportyshlar;
2002 nemese 2003 jyly týǵan sportshylar;
- 2004-2005 jyly týǵan jas sportshylar (U18);
- 2006 jyly týǵan 16 jastan kishi sportshylardy endi Olımpıadada kórýge bolady.
Sondaı-aq, normatıvterdi oryndaý úshin jańa kvalıfıkasııalyq kezeń men álemdik reıtıng jańaratyn kezeńniń jańa nusqasy jarııalandy.
Joldama 2019 jyly Dohada jeńil atletıkadan ótken IAAF álem chempıonatynda marafon boıynsha úzdik ondyqqa engen áıelder men erlerge úlestiriledi. Sonymen qatar, 2019 jyldyń 1 qańtary men 5 sáýiri aralyǵynda ótken World Athletics Gold Label marafonynyń alǵashqy bes úzdigi, Major Series (Tokıo, Boston, London, Berlın, Chıkago jáne Nıý-Iork) marafonynyń úzdik on sportshylaryna beriledi.
World Athletics 1 maýsym kúni jeńil atletterdiń álemdik reıtıngi men Olımpıada oıyndaryna iriktelgen sportshylar tizimin jarııalaıdy.