Qostanaı oblysynda Premer-Mınıstrdiń orynbasary – Indýstrııa jáne jańa tehnologııalar mınıstri Áset Isekeshev bastaǵan jumys toby bolyp qaıtty. Sapar maqsaty – óńirdegi Indýstrııalandyrý kartasy nysandary jaǵdaıy men údemeli ındýstrııalyq-ınnovasııalyq damý baǵdarlamasyn júzege asyrý barysymen tanysý, problemalardy talqylaý.
Ústimizdegi jyldyń ekinshi jartysynda Qostanaı oblysynda quny 31,8 mıllıard teńge bolatyn 8 joba ómirge joldama almaq. Olarda bolashaqta 828 qostanaılyq jumys ornyn tabady.
Qostanaı oblysynda Premer-Mınıstrdiń orynbasary – Indýstrııa jáne jańa tehnologııalar mınıstri Áset Isekeshev bastaǵan jumys toby bolyp qaıtty. Sapar maqsaty – óńirdegi Indýstrııalandyrý kartasy nysandary jaǵdaıy men údemeli ındýstrııalyq-ınnovasııalyq damý baǵdarlamasyn júzege asyrý barysymen tanysý, problemalardy talqylaý.
Ústimizdegi jyldyń ekinshi jartysynda Qostanaı oblysynda quny 31,8 mıllıard teńge bolatyn 8 joba ómirge joldama almaq. Olarda bolashaqta 828 qostanaılyq jumys ornyn tabady.Á.Isekeshev ekonomıkalyq mańyzy úlken birneshe óndiris oryndaryn aralady. Ol aldymen «Agromash Holdıng» AQ-ta bolyp, osy óndiris jáne «Saryarka AvtoProm» JShS shyǵarǵan «Ssang Yong», «Chance» jáne «Peugeot» avtomobılderin kórdi.
Keler jyldyń naýryz aıynan bastap Toyota mashınasy qurastyryla bastaıdy. Qazir onyń sehtary daıyndalý ústinde. О́ndiris basshylarynyń aıtýynsha, mashına qurastyrý salasynda adamdardy osy kásipke úıretý, bilikti mamandar daıyndaý isi aldyńǵy orynǵa shyqpaq. Mundaǵy eki joba respýblıkalyq Indýstrııalandyrý kartasynyń aıasynda jyl aıaǵyna deıin aıaqtalyp, júzege asyrylady. Áset Isekeshev Qostanaıdaǵy mashına jasaý klasterine jaqsy baǵa berdi.
– О́tken jyly aýylsharýashylyq tehnıkalary, júk kólikteri, jeńil júrdek kólikter túri – barlyǵy 2 myń mashına qurastyrylsa, bıyl onyń sany 8 myńǵa jetti, keler jyly 20 myń bolmaq. Al bes jyldan keıin munda jylyna 75 myń mashına qurastyrylatyn bolady. Osy kásiporyndarda 2,5 myń adam jumys isteıdi. Aldaǵy maqsat ishki naryqty qamtamasyz etýmen qatar, múmkindiginshe ónimdi eksportqa shyǵarý, – dedi Áset Isekeshev.
Ol sonymen qatar, Qostanaıdaǵy «EvrazKaspıan Stal» zaýytynda boldy. Zaýyt qurylysy jyl sońyna deıin aıaqtalmaq, ol qýatynda jumys istegende jylyna 450 myń tonna armatýra óndiretin bolady. Zaýyt ishki naryqtaǵy qurylys kásiporyndaryn temir arqaýlarmen qamtamasyz etedi. Bul qurylys jumysyna eń qajetti, naryqta suranymǵa ıe materıaldyń biri ekeni anyq. Joba 18 mıllıardtan astam teńgege tústi. Zaýyt qurylysy bitkennen keıin munda 350 adam turaqty eńbek etedi.
Áset Isekeshevtiń taǵy bir toqtaǵan nysany – «BK-Stroı» JShS-nyń temir-beton zaýyty boldy. Ashylǵanyna az ǵana ýaqyt bolǵan zaýyt jylyna 30 myń tekshe metr temir-beton plıtalaryn jasaıdy. Oblystyń Indýstrııalandyrý kartasy aıasynda bitken mańyzdy óndiris kásipornynyń biri bolyp sanalatyn bul jobanyń quny on mıllıard teńgege jýyqtaıdy.
Nysandardy aralaǵannan keıin vıse-premer Á.Isekeshev pen oblys ákimi N.Sádýaqasovtyń qatysýymen jıyn ótti. Onda óńirdegi údemeli ındýstrııalyq-ınnovasııalyq damý baǵdarlamasynyń júzege asyrylý barysy sóz boldy.
Názıra JÁRIMBETOVA,
«Egemen Qazaqstan».
QOSTANAI.