Elimizde otbasynyń, ata-anasynyń meıirim-shýaǵyn kórmeı eseıip jatqan balalar qanshama. Áleýmettik qorǵaý júıesinde tárbıelenip jatqan búldirshinderdiń ár kez aıaly alaqanǵa, erekshe meıirimge zárý ekeni kóńilge qaıaý túsiredi. Degenmen, qoǵam meırimine muqtaj balalarǵa syılyqtar úlestirip, olardyń bir sátke bolsa da kóńilin aýlaǵysy keletin jandardyń kóp bolǵany kóńilge demeý.
Osy oraıda balalarǵa syılyqtar úlestirýdi jyl saıyn dástúrge aınaldyrǵan «О́rleý» BAUO» AQ fılıaly Almaty qalasy boıynsha PQ BAI ujymy «Nur Otan» partııasynyń «Bilikti ustaz» bastaýysh partııa uıymynyń qoldaýymen bıylǵy jyly da balalar úıindegi balalarǵa bazarlyq tarqatyp qaıtty.
Bıylǵy jyly da osynaý dástúrli is-sharany jalǵastyryp Instıtýt dırektory R. Sadvakasova, «Nur Otan» partııasynyń «Bilikti ustaz» bastaýysh partııa uıymynyń hatshysy N.A.Qarabalaeva, Instıtýt qyzmetkerleri: J.E.Ýltanbaev, P.О́.Asylbek Alataý aýdandyq Jasóspirimderge ýaqytsha qaraıtyn mekemeniń tárbıelenýshilerine syılyq ákeldi. Instıtýt dırektory syılyq alyp, qýanyshtan júzderi bal-bul janǵan jetkinshekterdiń keleshekte Táýelsiz elimizdiń tárbıeli, sanaly, saýatty ulany bolyp qalyptasýyna degen izgi tilegin aıtty.
Mekeme dırektory Berkimbaeva Bıbigúl jáne jasóspirimder psıhologi Qulymbetova Nurgúl erte jastan ata-ana meıiriminen shet qalyp, balalar úıinde, arnaıy mekemelerde tárbıelenetin qamkóńil balalarǵa qoldaý kórsetken órleýlikterdiń qaırymdylyq sharasyna rızashylyqtaryn bildirdi.