Kásipkerlerdiń kómegimen salynǵan ǵımarat

Maqtaaral – qutty meken, qasıetti jer. 350 myńdaı halqy bar bul aýdanda 60 ulttyń ókilderi tatý-tátti tirshilik kóshin jalǵastyryp jatyr. Munda tájik, ózbek, slavıan, ázerbaıjan, koreı ulttyq mádenı ortalyqtary bar. Olar ultaralyq tatýlyqty nyǵaıtýda, halqymyzdyń rýhanı qazynasyn molaıtýda belsendilik tanytyp keledi. «Yrys qaıda barasyń? Yntymaqqa baramyn!» degen, aýdan halqynyń arasyndaǵy tatýlyq, yntymaqtastyq, birlik – barlyq ıgi

isterdiń bastaýy.

Maqtaaral – qutty meken, qasıetti jer. 350 myńdaı halqy bar bul aýdanda 60 ulttyń ókilderi tatý-tátti tirshilik kóshin jalǵastyryp jatyr. Munda tájik, ózbek, slavıan, ázerbaıjan, koreı ulttyq mádenı ortalyqtary bar. Olar ultaralyq tatýlyqty nyǵaıtýda, halqymyzdyń rýhanı qazynasyn molaıtýda belsendilik tanytyp keledi. «Yrys qaıda barasyń? Yntymaqqa baramyn!» degen, aýdan halqynyń arasyndaǵy tatýlyq, yntymaqtastyq, birlik – barlyq ıgi

isterdiń bastaýy.

Aýdan halqynyń negizgi kún­kórisi – maqta ósirý. Ústimizdegi jyly aýdanda 137,0 myń gek­tar­ǵa aýylsharýashylyq daqyl­dary egildi, onyń ishinde maqta alqabynyń kólemi 94,0 myń gektardy quraıdy. Búgingi tańda maqta jınaý naýqany qyzý júr­gizilýde. О́tken jyly jınap alyn­ǵan 264,8 myń tonna maqta shıkizatynyń 17 paıyzy kombaındarmen terilse, bıylǵy jyly jos­parlanyp otyrǵan 270-280 myń tonnadaı maqta shıkizatynyń 30 paıyzyn kombaındarmen jınaý kózdelýde.

Osynaý qut mekenniń halqy osy aptada úlken qýanyshqa ke­neldi. Maqtaaral aýdanynda «Nur Otan» HDP-nyń jańa ǵımaraty paıdalanýǵa berildi. Mekemeniń qurylys jumystary nebári 2 aı buryn bastalǵan eken. Eki qa­batty nysanǵa 100 mıllıon teńge jumsalypty. Búginde par­tııanyń aýdandyq fılıalynda 7 qyzmetker jumys atqarady. Aıta keteıik, Maqtaaral aýdanynda «Nur Otan» HDP-nyń bólimshesi 2007 jyly ashylǵan. Ol kezde aýdanda partııanyń 350 ǵana múshesi bolsa, qazirgi ýaqytta 11 myńnan asyp jyǵylady.

«Biz de búgingi kúnge deıin aýdan­dyq máslıhatpen bir ǵıma­­ratta kún keship keldik. Onda bar bolǵany 5 bólmemiz bar edi. Osydan eki jyl buryn qoǵamdyq qabyldaýǵa kelýshilerdiń sany nebári 60-65 adamnyń tóńireginde bolatyn. Eldiń senimi artqany bolar, qazir partııaǵa máselesin aıtyp, izdep kelýshiler qatary artty», deıdi «Nur Otan» HDP Maqtaaral aýdandyq fılıaly tóraǵasynyń birinshi orynbasary Ábdimanap Baıdýllaev.

Eki aı kóleminde boı kótergen «Nur Otan» HDP aýdandyq fılıaly ǵımaratynyń qurylysy kásipkerler men halyq qalaý­lylary jáne basqa da qaltaly azamattardyń qarjylaı kómegi arqasynda boı kóterdi.

Bul kúni sondaı-aq, Qaraqaı aýylynda feldsherlik pýnkt nysany paıdalanýǵa berildi. Nysannyń quny 35 165 myń teńgeni quraıdy. Osy aýylda turyp jatqan 1600-den astam halyqqa jańa ǵı­maratta 4 medısına qyzmetkeri qyzmet etpek. Al, J. Eralıev aýyldyq okrýgindegi S.Seıfýllın aýylyndaǵy 300 oryndyq mektep qurylysyna 453 564 myń teńge jumsalypty. «Maqtaaral» mádenıet úıi» MKQK-ǵa qarasty Myrzakent kentinde ornalasqan «Aq altyn» mádenı-demalys ortalyǵy kúrdeli jóndeýden ótip, jańadan jasanyp shyǵa keldi. Atap aıtqanda, ǵımarattyń shatyry, eski esik-terezeleri tolyq aýys­tyrylyp, kórermen zaly, foıesi jáne qyzmettik bólmeleri zamanaýı úlgide jóndeýden ótti.

Oralhan DÁÝIT,

«Egemen Qazaqstan».   

Ońtústik Qazaqstan oblysy.

Sýretterdi túsirgen Arman ÁBDIRAShULY.