Tatar eliniń tartýy

Keshe Astanadaǵy Ulttyq akademııalyq kitaphanada oqyrmandarǵa qazaqtyń aqıyq aqyny Maǵjan Jumabaevtyń tatar tiline aýdarylǵan óleńder jınaǵy tanystyryldy.

Aqynnyń 120 jyldyq mereıtoıyna oraılastyrylǵan bul sharany Qazaqstan tatarlary men bashqurttary qaýymdastyǵy, Ulttyq aka­demııalyq kitaphana jáne «Qazaqstan halqynyń rýhanı damý qory» AQ uıym­dastyrdy.

Keshe Astanadaǵy Ulttyq akademııalyq kitaphanada oqyrmandarǵa qazaqtyń aqıyq aqyny Maǵjan Jumabaevtyń tatar tiline aýdarylǵan óleńder jınaǵy tanystyryldy.

Aqynnyń 120 jyldyq mereıtoıyna oraılastyrylǵan bul sharany Qazaqstan tatarlary men bashqurttary qaýymdastyǵy, Ulttyq aka­demııalyq kitaphana jáne «Qazaqstan halqynyń rýhanı damý qory» AQ uıym­dastyrdy.

Maǵjan óleńderi názik ıirimimen, shynaıylyǵymen, ómirsheńdigimen ár býynnyń da janyna jaqyn. Onyń óleńderi qazaq halqynyń rýhanı asyl qazynasynyń injý-marjanyna baǵalanady. Endi sol asyl qazynanyń ózge eldiń rýhanı keńistigine jol tartýy qýanyshty oqıǵa. Tusaýkeser rásimin qysqasha sóz sóılep ashqan Ulttyq akademııalyq kitaphana dırektorynyń orynbasary Ǵalııa Bókeı­qyzy Maǵjan Jumabaevtyń óleńder jınaǵynyń tatar tilinde jaryqqa shyǵýyna Tatarstan Jazýshylar odaǵynyń bastamashy bolǵanyn aıtty.

Budan keıin sóz alǵan «Egemen Qa­zaq­stan» gazeti redaktorynyń orynbasary, maǵ­jantanýshy Jarasbaı Súleımenov bul oqıǵanyń sımvoldyq mánine toq­tal­dy. «Maǵjan tek qazaqtyń aqyny emes. Ol túbi bir túrki jurtyna ortaq tul­ǵa. Maǵ­jannyń óleńderi osydan týra bir ǵa­syr ýaqyt buryn tuńǵysh ret Qazan qa­la­synda jınaq bolyp basylyp shyqqan bolatyn. Endi araǵa júz jyl salyp taǵy da Qazan qalasynda Maǵjan jınaǵynyń jaryq kórýi – onyń shyǵarmashylyǵynyń zamanalarmen birge jasaı beretininiń, túrki jurty úshin sarqylmas qazyna ekeniniń kórinisi», dedi ol.

Qazaqstan halqy Assambleıasy hat­shy­lyǵy meńgerýshisiniń orynbasary Nurlan Oqa­uly, Parlament Sena­ty­nyń depýtaty Jabal Er­ǵa­lıev, Eýrazııa ult­tyq ýnı­versıtetiniń etnı­ka­ara­lyq jáne dinaralyq to­leranttylyq jónindegi IýNESKO kafedrasynyń meńgerýshisi Ǵadilbek Sha­lahmetov, belgili jazýshy, ǵalym Tursyn Jurt­baı, Qazaqstan tatarlary men bashqurttary qaýym­dastyǵynyń qurmetti pre­zıdenti, Tatarstan Respýb­lıkasy Jazýshylar oda­ǵynyń múshesi Taýfık Ka­rımov syndy azamattar jınalǵan qaýymmen Maǵjan shyǵarmashylyǵy týraly keleli oılarymen bólisti.

Kesh barysynda Qa­zaq­stan tatarlary men bash­qurt­tary qaýymdastyǵynyń prezı­denti, tanymal professor jáne ádebıetshi Grıf Haırýllınniń quttyqtaý haty oqyldy. «Maǵjan Jumabaev – shyǵarmashylyǵy bizdi qyzyqtyratyn týys­tas qazaq halqynyń uly. Ol Ýfadaǵy ataqty «Ǵalııa» medresesiniń túlegi, onyń poezııasy barlyq túrki halqynyń rýhyna jaqyn. Qazan qalasynda tatar tilindegi Jumabaev poe­zııasy jınaǵynyń jaryqqa shyǵýy, onyń óleńderiniń «Fıker» qaýymdastyǵy gazetinde jarııalanyp turýy kezdeısoq emes. Onyń óleńderin aýdarý isimen Nýrı Arslan, Radıf Gatash, Flera Tarhanova syndy tatar aqyndary aınalysyp júr» delingen hatta.

Aıgúl SEIILOVA,

«Egemen Qazaqstan».